कांग्रेस जिन्दावाद, मुर्दावाद नगर्ने सालिन प्रतिपक्ष

नेपालगञ्ज, असोज ६ ।

नेपाली कांग्रेसका प्रवक्ता विश्वप्रकाश शर्माले संविधानको सफल कार्यान्वयनका लागि सरकारले लोकतान्त्रिक पद्दति र चरित्र छाड्न नहुने बताएका छन् ।

नेपाल प्रेस युनियन, बाँकेले आज यहाँ गरेको पत्रकार सम्मेलनमा उनले भने, ‘संविधानको प्रयोगमा शासकले लोकतान्त्रिक चरित्र प्रदर्शन गर्न सकेनन् भने त्यो सफल हुदैन, यो कुरा अहिलेको सरकारले बुभ्नुपर्छ ।’

याे पनि पढ्नुस  नेता पौडेल सोध्छन्– निर्मला पन्त हत्याकाण्डको छानविन प्रतिवेदन किन लुकाइयो ?

मुलुकको शान्ति, सुरक्षामा सरकार चुकेको छ, भन्दै प्रवक्ता शर्माले प्रदेश सरकारको नाम र राजधानी नतोकिनु, वित्त आयोग नबनाएर जथाभावी कर लगाउँदै जानु सरकारको गम्भीर कमजोरी भएको टिप्पणी गरे ।

पत्रकारद्वारा सोधिएको एक प्रश्नको जवाफमा प्रवक्ता शर्माले, भने, ‘आफ्नो दलले सालिन प्रतिपक्षीको भूमिका निभाउँदै आएको छ, बन्द, नाराबाजी, जिन्दावाद, मुर्दावाद गरेरै प्रतिपक्षीको भूमिका निर्वाह गरेको ठहरिने मान्यता राखिनु हुदैन ।’

याे पनि पढ्नुस  कांग्रेसको चियापानमा देखिएकाे एकता र मेलमिलापले सार्थकता पाअाेस्

प्रवक्ता शर्माले कांग्रेस अहिले आफ्नो साङ्गठनिक संरचना बिस्तारमा लागेको बताए । साथै उनले कार्यकर्ताको सुझावका आधारमा पार्टीको वैधानिक ढाँचा चाँडै निर्माण हुने जानकारी दिए ।

कमेन्ट गर्नुहोस्