भारत र चीनले समेत चितवनलाई विशेष तरिकाले हेरेका छन्- प्रचण्ड

भरतपुर, असोज ७ । नेपाल कम्युनिस्ट पार्टी (ने.क.पा.) का अध्यक्ष प्रचण्डले चितवन जिल्लाको विकास निर्माण देशकै लागि नमुना हुनुपर्नेमा जोड दिएका छन् । चितवनको भरतपुर नगरपालिकामा तरकारी तथा फलफुल थोक बजारको उद्घाटन कार्यक्रममा बोल्दै प्रचण्डले चितवन देशकै केन्द्रमा पर्ने भएकाले भारत तथा चीनले समेत यसप्रति विशेष चासो दिइरहेको बताएका छन् ।

उक्त तरकारी तथा फलफुल थोक बजारले किसानलाई आफ्नो उत्पादनका निम्ति बजार खोज्न सजिलो पार्ने र यसले कृषिको आधुनिकीकरणमा मुख्य भूमिका खेल्नेमा आफू विश्वस्त रहेको बताउंदै अध्यक्ष प्रचण्डले भने, “राम्रो र व्यवस्थित बजार छ भने किसान ठगिने सम्भावना कम हुन्छ ।”

याे पनि पढ्नुस  प्रचण्डले भने, ‘यो सरकार ५ वर्षसम्म फेरिन्न’

सरकारले कृषिमा आधुनिकीकरण गर्न विभिन्न जोनहरू निर्माण गर्न्बे कार्यक्रम अगाडि बढाइरहेको बताउँदै प्रचण्डले अबको लक्ष आयात प्रतिस्थापन गर्दै निर्यात प्रवर्द्धन गर्ने रहनुपर्नेमा जोड दिए ।

चितवनमा थुप्रै विकासका सम्भावनाहरू रहेको र सरकार त्यसप्रति गम्भीर रहेको प्रचण्डको भनाइ थियो । हाल चितवनमा राष्ट्रिय स्तरको सिटिहल, अन्तराष्ट्रिय क्रिकेट रङ्गशाला जस्ता ठुला परियोजनाहरूको निर्माण हुन सके यो जिल्ला देशमै विकास-निर्माणको क्षेत्रमा अग्रणी जिल्ला बन्न सक्नेमा प्रचण्डको जोड रहेको थियो ।

याे पनि पढ्नुस  ‘अनेरास्ववियुको एकीकरणप्रति असन्तुष्ट विद्यार्थीको माग सम्बोधन हुन्छ’

अध्यक्ष प्रचण्डले हाल जिल्लामा माडी र पश्चिम चितवन जोड्ने आकाशे पुल निर्माण गर्नेबारे पनि अध्ययन सुरु भइसकेको र यसबारे काम अगाडि बढ्ने विश्वास व्यक्त गरे ।

चितवन जिल्लामा जलमार्गको समेत प्रचूर सम्भावना रहेको उल्लेख गर्दै अध्यक्ष प्रचण्डले भैंसालोटन देखि देवघाटसम्मको क्षेत्रलाई जलमार्गको र ऊप्मा विकास गर्न सकिने र यससम्बन्धी पनि काम अगाडि बढिरहेको बताए ।

याे पनि पढ्नुस  चितवन पनि आइपुग्यो सलह कीरा

त्यस्तै राप्ती र नारायणीमा रिङरोड, र विभिन्न ठाउँमा लिंक-रोड समेत निर्माणका लागि पहल भइरहेको बताउँदै प्रचण्डले धार्मिक पर्यटनका लागि समेत चितवन जिल्ला महत्वपूर्ण रहेको उल्लेख गरे ।

कमेन्ट गर्नुहोस्