क्रिकेट रंगशाला बनाउन अध्यक्ष दाहालको अाग्रह

चितवन, असोज ८ । नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले ५ वर्षमा के के काम गर्ने ? भन्ने प्राथमिकता तोकेर अघि बढ्नुपर्ने बताएका छन् ।

जिल्ला समन्वय समितिको दोस्रो जिल्लासभाको सोमबार यहाँ उद्घाटन गर्दै उनले जिल्लामा सभाकक्ष, रंगशाला र औद्योगिक क्षेत्रको काम तीव्रगतिमा अघि बढाउनुपर्छ भन्दै दुई विश्वविद्यालयसँग सहमति गरेर क्रिकेट रंगशाला बनाउनुपर्ने बताए । पूर्वप्रधानमन्त्री तथा वर्तमान सांसद दाहालले जिल्लालाई देशकै नमूना जिल्ला बनाउने गरी विकासमा जुृट्न सबैलाई आग्रह गरे ।

याे पनि पढ्नुस  चुनाव कुनै पनि हालतमा सर्दैन, संशोधन पनि पारित हुन्छ– प्रधानमन्त्री

कार्यक्रममा पूर्वअर्थमन्त्री एवं सांसद सुरेन्द्रप्रसाद पाण्डेले विकासको स्वरुपको विषयमा छलफल गरेर अघि बढ्नुपर्ने बताए ।

सांसद कृष्णभक्त पोखरेलले समृद्धि र विकासको नेतृत्व जिल्लाले लिएर अघि बढ्नुपर्ने बताए । सो अवसरमा राष्ट्रियसभा सदस्य दिलकुमारी रावल, प्रदेश नं ३ का भूमि व्यवस्था, कृषि तथा सहकारीमन्त्री दावादोर्जे लामा, नेकपाका नेता देवी ज्ञवाली, नेपाली काँग्रेस चितवनका सचिव उत्तम जोशी लगायतले बोलेका थिए। कार्यक्रममा जिल्ला समन्वय समितिका प्रमुख कृष्णकुमार डल्लाकोटीले आर्थिक वर्ष २०७५औ७६ का लागि नीति तथा कार्यक्रम पेश गर्नुभएको थियो । रासस

कमेन्ट गर्नुहोस्