चितवन राष्ट्रिय निकुञ्जबाट पाटे बाघको संख्या घट्दै

चितवन, असोज १० । चितवन राष्ट्रिय निकुञ्जका बाघ अन्यत्र गएका कारण त्यहाँ बाघको संख्या घटेको हुन सक्ने अधिकारीले बताएका छन् ।

यसैवर्ष गरिएको बाघ गणनाको नतिजाले नेपालमा बाघको संख्या उल्लेखनीयरूपमा बढेको देखिएपनि यसको मुख्य वासस्थान रहँदै आएको चितवन राष्ट्रिय निकुञ्जमा भने पाटेबाघको संख्या घटेको देखिएको छ ।

सन् २०१३ मा गरिएको गणनामा चितवन राष्ट्रिय निकुञ्जमा १२० वटा वयस्क बाघ रहेको देखाएको थियो । तर, यसपालि त्यो संख्या केवल ९३ रहेको देखियो ।

जबकी समग्र नेपालमा भने बाघको संख्या बढेको छ । २०१३ मा गरिएको गणनामा १९८ वटा रहेकोमा हाल गरेको गणनामा नेपालभर २३५ बाघ रहेको देखिएको छ। चितवनमा बाघको संख्या घट्नुले संरक्षणमा चुनौती देखा परेको अधिकारीहरूले बताएका छन् । बाघ गणना प्रत्येक पाँच–पाँच वर्षमा गरिँदै आएको छ ।

याे पनि पढ्नुस  सिमसारका चरामा उतारचढाव : छ प्रजातिका चरा हराए

सन् २०१८ को बाघ गणनाले चितवन र शुक्लाफाँटा राष्ट्रिय निकुञ्जमा बाहेक पर्सा, बाँके र बर्दिया राष्ट्रिय निकुञ्जमा भने बाघको संख्या बढेको देखाएको छ । चितवनमा बाघको संख्या घट्नुको कारण बारे चितवन राष्ट्रिय निकुञ्जका सहायक वार्डेन नुरेन्द्र अर्याल भन्छन्, ूबाघको संख्या घट्नुमा दुई(तीन वटा कारण रहेको छ । चितवनको निकुञ्जमा १२० वटा बाघ पुगेको थियो । यो त्कतै त्यहाँको क्षमताअनुसार उच्चतम हो कि भन्ने पनि छ। अर्को कारण चाहिँ यहाँका केही बाघ यो निकुञ्ज नजिकका पर्सा वा सीमापारि भारतको वाल्मीकी निकुञ्जतिर गएका हुन सक्छन् ।’ चितवनमा २७ वटा बाघ घट्नुले सरक्षणकर्मीहरूमा चिन्ता थपिएको छ।

याे पनि पढ्नुस  निकुञ्ज हुँदै माडी जोड्ने सडक विस्तारको काम शुरु

सन् २०१३ र सन् २०१८ को गणनाको नतिजा तुलना गर्दा पर्सामा बाघको संख्या ७ बाट १८स बर्दियामा ५० बाट ८७स अनि बाँकेमा ४ बाट २१ पुगेको छ। तर शुक्लाफाँटामा १७ बाट १६स र चितवनमा १२० बाट ९३ मा झरेको छ।

याे पनि पढ्नुस  हात्ती सुन्दरी विजुलीकलीले नै जितिन् फास्ट वाकको उपाधि

गत वर्ष चितवनमा आएको बाढीको कारणले पनि बाघको संख्या घटेको हुन सक्ने राष्ट्रिय प्रकृति संरक्षण कोष सौराहाका वन्य जन्तु अनुसन्धान अधिकृत बाबुराम लामिछानेले बताए ।

‘बाढीले गर्दा बाघका आहारा प्रजातिका जन्तुको संख्यामा असर परेको जस्तो देखिन्छ । पहिले हामीप्रति वर्ग किलोमिटरमा ७३ त्यस्ता प्रजातिका जन्तु छ भन्थ्यौँ भने हाल त्यो घटेर ६६ को हाराहारीमा रहेको छ । यसले आहारा प्रजातिको संख्या घटेको देखिन्छ । बाघ त जता आहारा धेरै छन् त्यतै जाने गर्छन्’, उनले भने । बीबीसीबाट

कमेन्ट गर्नुहोस्