बलात्कारको गलत रिपोर्ट दिने २ डाक्टरलाई कारबाही सिफारिस

धनुषा, असोज ११ । बालिका बलात्कारमा गलत रिपोर्ट दिने दुई डाक्टरलाई धनुषाको जिल्ला प्रहरी कार्यालय र जिल्ला सरकारी वकिल कार्यालयले कारबाही सिफारिस गरेका छन् । ती डाक्टरले बलात्कार नै नभएको रिपोर्ट दिएका थिए ।

 

जनकपुर अञ्चल अस्पतालका डा. विजयकुमार सिंह र डा. रम्भा गोइतलाई कारबाही सिफारिस गरिएको हो । उनीहरूलाई कारबाहीका लागि स्वास्थ्य मन्त्रालय, मेडिकल काउन्सिल र गृह मन्त्रालयमा पत्र पठाएको धनुषाका प्रहरी उपरीक्षक गोविन्द थपलियाले बताए । उनीहरूले धनुषाको जनकन्दनी गाउँपालिकाकी १२ वर्षीया बालिका बलात्कारसम्बन्धी स्वास्थ्य परीक्षणको गलत रिपोर्ट दिएका थिए ।

याे पनि पढ्नुस  निर्मला हत्या प्रकरणः एसपी विष्टलाई बर्खास्त गर्ने तयारी

 

बलात्कारजस्तो अपराधमा मेडिकल रिपोर्ट महत्वपूर्ण हुने भन्दै धनुषा सरकारी कार्यालयका वकिल टेकबहादुर कार्कीले अपराधीलाई संरक्षण गर्ने नियतले गलत रिपोर्ट आएको देखिएको बताए । ‘कतिपय बलात्कारका मुद्दामा गलत मेडिकल रिपोर्टका आधारमा अपराधी उम्कने गरेका छन्,’ उनले भने ।

 

विगतमा पनि अस्पतालहरूले स्वास्थ्य परीक्षणको रिपोर्ट समयमा उपलब्ध नगराउने गरेको प्रहरी उपरीक्षक थपलियाले बताए । अञ्चल अस्पतालका चिकित्सक सिंहले भने आफूले तयार पारेको रिपोर्ट सही भएको दाबी गरेका छन् ।

याे पनि पढ्नुस  निर्मला हत्या प्रकरणः अब सैनिकमाथि पनि अनुसन्धान हुने

 

त्यसो त जनकपुर अञ्चल अस्पतालमा परीक्षणका लागि शवको अंगको नमुना र भिसेरा संकलन सरसफाइकर्मीले गर्ने गरेका छन् । जनकपुर अञ्चल अस्पतालका मेडिकल सुपरिवेक्षक डा। रामपरीक्षण यादवले शवको पोस्टमार्टम गर्दा भिसेरा निकाल्ने र चिरफारपछि शवको सिलबन्दी गर्ने काम सरसफाइकर्मीले नै गर्ने गरेको स्वीकार गरे । तालिमप्राप्त सफाइकर्मीले सो काम गर्दै आएको यादवको दाबी छ । नयाँ पत्रिकामा खबर छ ।

कमेन्ट गर्नुहोस्