प्रतिस्पर्धी रवि वडले ‘नेपाल आइडल-२’ को यात्रा पूरा गर्न सक्लान् ?

लोकेश धामी, काठमाडौं । नेपाल आइडलमा सुदूरपश्चिमबाट एकमात्र प्रतिस्पर्धी रहेका रवि वडलाई कसरी गर्ने भोट ? यो प्रश्नको जवाफबारे धेरैलाई थाहा नहोला । त्यसकारण हामी जानकारी गराउँदै छौं । सबैभन्दा पहिले मोबाइलको म्यासेज बक्समा जानुहोस्, अनि १० नम्बर टाइप गरि ३१००९ मा पठाउनुहोस् ।

 

भोट गर्न बिहीबार साँझ ८ः३० देखि शुक्रबार बिहान ११ बजेसम्म गर्न सकिने छ । भोट नमस्ते, स्काई, एनसिएल, स्मार्ट तथा जुनसुकै सिमबाट पनि गर्न सकिने छ । केही महिनादेखि नेपालको एक ठूलो ‘गायन रियालीट शो’ नेपाल आइडल सिजन-२ प्रसारण भइरहेको छ । सिजन-२ मा पनि थुप्रै मिहिनेती प्रतिस्पर्धी छन् ।

 

उनीहरुबीच अहिले प्रतिस्पर्धाको रौनक झन बढेको छ । कठिन प्रतिस्पर्धाबीच मैदानमा छन्, प्रदेश ७ बाट मिठो आवाज भएका रवि वड ।उनी नेपाल आइडलमा अब प्रदेश ७ बाट प्रतिस्पर्धा गर्ने एकमात्र प्रतिस्पर्धी हुन् । रविको आवाजमा जादू छ । त्यसकारण त उनी आइडलमै छन् । रविको आवाजको जति प्रशंसा गरेपनि कम हुन्छ ।

 

हालको प्रदेश सात (साविक सुदूरपश्चिम विकास क्षेत्र) बाट पनि आइडलको उपाधि जित्ने सम्भावना भएका थुप्रै प्रतिस्पर्धी थिए । तर, उपाधिका जित्ने दौडमा रहेका सम्भावित प्रतिस्पर्धी आउट भएका छन् । यद्यपि रवि भने अहिलेसम्म घर फिर्ता हुनबाट जोगिएका छन् ।

याे पनि पढ्नुस  नेपाल आइडल : पोखरा अडिसनबाट ‘गोल्डेन माइक’ पाउने को-को ? [भिडियो]

 

रविले आफ्नो संगीत यात्रा शुरुवात धनगढीस्थित एक दोहोरी साँझबाट गरेका हुन् । आर्थिक स्थिती कमजोर भएको परिवारमा जन्म लिएका उनले आफ्नो बाजेको प्रेरणाबाट गीत संगीतमा लागेको सुनाउँछन् । रविले सांगीतक क्षेत्रमा अगाडि बढ्ने प्रेरणाबारे भने, ‘हजुरबुबा गीत गाउनुहुन्थ्यो विशेष गरि म यो क्षेत्रमा आउन उहाँबाट नै प्रभावित भए ।’

 

रबिको घर कञ्चनपुर हो । अहिले उनी २० वर्षका भए । रबिका बुवा भारतमा वाचम्यानको काम गर्ने गर्दछन् । आमाको भने केही वर्षअघि घाँटीको समस्याले निधन भइसकेको छ । रबिले आइ परे जस्तोसुकै गीतलाई पनि न्याय दिन सक्छन् । उनले मध्य तथा सुदूरपश्चिममा गाइने ठाडी भाका पनि मिठो लयमा गाउन सक्छन् ।

 

यस्तै, लोकदोहोरी, पप, हिन्दी गीत त उनले सजिलै गाउन सक्छन् । विशेष गरि उनले शिव परियार, सुगम पोख्रेल र हेमन्त रानाका गीतहरु गुन गुनाउँछन् ।रबिले ‘पियानो राउण्ड’ पूरा गरिसकेका छन् । उनी अहिले ‘उत्कृष्ट १२’ भित्र पर्न सफल भएका छन् । रबिले धनगढी अडिसनबाट भाग लिएका हुन् । उनने पहिलो चरणमा कमल खत्रीको ‘अब जाउँला रेलैमा, माया तिम्रो साथैमा’ बोलको गीत गाएर ‘गोल्डेन टिकट’ पाएका थिए ।

याे पनि पढ्नुस  ‘नेपाल आइडल–२’ को अडिसनको कहिले ताेकियो ?

 

त्यसपछि उनले ग्रुपमा ‘पार्यो भुतुक्कै’, थिएटर राउण्ड पूरा गर्दा सुगम पोखरेलको ‘झिल्केले जाल बुन्यो’ बोलको गीतले साथ दियो । र गाला राउण्डमा पुर्याउन ‘फेवा तालमा साइली’ र ‘तिमि रोएको पल’ले महत्वपूर्ण भूमिका खेल्यो । गायक वडको पुख्र्यौली घर अछाम हो । उनको उनको यात्रा झन कठिन बनेको छ । आगामी यात्रा उनले बढि मिहिनेत गर्न जरुरी छ । किनकी अब कोहीभन्दा कम प्रतिस्पर्धी छैनन् ।

 

अब रवि झन कठिन मोडमा पुगेका छन् । कठिन यस अर्थमा कि आगामी चरणमा भोटिङबाट अगाडि बढ्ने हो । यसकारण उनको यात्राबारे यसै भन्न गाह्रो छ। तर, यथार्थ यो होकि रविले आइडलको उपाधि जित्न निकै मुस्कील छ । अझ भनौं सयमा दश प्रतिशत मात्रै । कसरी भन्ने पश्न आउँछ ।

 

यसको सरल जवाफ छ भोटिङमा सुपका अधिकांश बासिन्दा ज्ञानी छैनन् । र, हौसल पनि जति अरु ठाउँको हुन्छ त्यतित्यहाँबाट हुन्न । यसको ज्वलन्त उदाहरण गएको संस्करणमा पनि हेर्न सक्छौं सन्ध्या जोशीले पर्याप्त भोट नपाएरै उत्कृष्ट पाँचसम्म पनि पुग्न सकिनन् । उनी टप-९ बाटै घर फिर्ता भएकी थिइन्।

याे पनि पढ्नुस  विश्वमै सबैभन्दा बढी मन पराइने कार्यक्रममा नेपाल आइडल दोस्रो (भिडियोसहित)

रविले गाएको ‘फेवातालमा साइँली’ हेर्न यहाँ क्लिक गर्नुस्

यद्यपि, अरु ठाउँका प्रतिस्पर्धीलाई जिताउन एकजुट हुने, सामाजिक सञ्जालको प्रशस्त उपयोग गर्नेलगायत उपाय रचिन्छन् । तर, सुदूरपश्चिममा यसको अलि अभाव छ । त्यसकारण अब रविलाई सके उपाधि जिताउने तवरबाट लागौं त्यति सकिन्न भने टप भाइभसम्म पुर्याएर उनको सांगीतक जीवनको यात्रा सुन्दर बनाउन सहयोग गरौं ।

 

हुन त आफूमा राम्रो प्रस्तुति भयो र दर्शक स्रोताको ध्यान आकृष्ट गर्न सक्यो भने न क्षेत्रियता चाहिन्छ नत जातियता । त्यसकारण रवि पनि दमदार तवरबाट प्रस्तुत हुनुपर्छ ।

 

प्रदेश सातका एक मात्रै प्रतिस्पर्धी भएकाले अब उनमा हौसला भर्न आवश्यक देखिन्छ । त्यसका लागि सम्पूर्णले उनलाई सहयोग गर्न आवश्यक छ । त्यो सहयोग अहिलेलाई माया र साथ हो । विशेष गरि उनले प्रदेश सातबाट प्रतिधित्व गरेकाले उनलाई यहाँका नागरिकले बढी साथ र माया दिन आवश्यक छ ।

 

अब हेर्दै जाउ रविको नेपाल आइडल यात्रा कहाँसम्म पुग्छ ? आशा गरौं उनले नै आइडलको उपाधि जित्न सफल हुन् । रविलाई हाम्रो धेरै शुभकामना !

कमेन्ट गर्नुहोस्