बिभागीय प्रमुखलाई शिक्षा मन्त्रीले दिए कडा निर्देशन, पुरानै शैलीमा काम गरे सोझै कार्वाही

काठमाडाै, असोज ११ । शिक्षा बिज्ञान तथा प्रविधि मन्त्री गिरिराजमणि पोखरेलले जनतालाई परिवर्तनको अनुभूती दिलाउने गरी काम गर्न निर्देशन दिएका छन् । मन्त्रालयमा आयोजित कार्यशाला गोष्ठीलाई सम्बोधन गर्दै मन्त्री पोखरेलले भने, ‘अब पुरानैं शैंलीमा काम गरेर हुन्न, जनताप्रती उत्तरदायी भएर नतिजा आउनेगरी काम गर्नुपर्छ ।’

 

सात वटैं प्रदेशका सामाजिक विकास मन्त्रालयका सचिव, शिक्षा विकास निर्देशक, शिक्षा तालिम केन्द्र प्रमुख र मन्त्रालयका सबैं बिभागिय प्रमुखहरुका लागि आयोजित अभिमुखीकरण कार्याशाला गोष्ठीमा मन्त्री पोखरेलले सामुदायिक विद्यालयहरुलाई रुपान्तरणको प्रक्रियामा लैंजाने निर्णय भएको जानकारी गराउँदैं अब बिद्यालय सुधारका कार्यक्रम ल्याउन निर्देशन पनि दिए ।

याे पनि पढ्नुस  कक्षा ११ र १२ मा संकाय प्रणाली हट्यो, नयाँ व्यवस्था यस्तो छ-

 

प्राविधिक शिक्षा र जीवन उपयोगी शिक्षा अनिवार्य आवश्यक भएको उल्लेख गर्दै मन्त्री पोखरेलले ज्ञान र सिपमा आधारित शिक्षा प्रदान गर्नेगरी शिक्षाको पुर्नसंरचना आवश्यक भएको बताए । शिक्षामा बिज्ञान र प्रविधि अनिवार्य जोड्नुपर्ने बताउँदैं मन्त्री पोखरेले विज्ञान र प्रविधिलाई बुझेर विकास गर्नुपर्ने बताए ।

 

शिक्षाको आमुल परिवर्तनको पक्षमा छौंः सुधारको सूचांक देखिएको छ, नयाँ ढंगबाट शिक्षाको पुर्नसंरचना गर्दा समस्या देखिन सक्छन् मन्त्री पोखरेलले भने, ‘तपाईहरु नेतृत्वमा हुनुहुन्छ नेतृत्वले समस्याको समाधान पनि खोज्नुपर्छ ।’

याे पनि पढ्नुस  दक्षिण अमेरिकि राष्ट्र उच्च शिक्षा अध्ययनका लागि अनुपयुक्त

 

राष्ट्रले मागेको भन्दा आफू अनुकूल निर्णय गर्ने परम्पराको अन्त्य गर्नुपर्ने बताउदैं मन्त्री पोखरेलले नतिजामा आधारित भएर सबैंको कामको मूल्यांकन हुने बताए । मन्त्रालयको आयोजनामा आजबाट आर्थिक वर्ष २०७५÷०७६ मा प्रदेश सरकार मातहत सञ्चालन हुने शिक्षा सम्बद्ध कार्यक्रमहरु कार्यान्वयन सम्बन्धमा अभिमुखीकरण कार्यक्रम शुरु भएको छ ।

 

कार्यक्रममा मन्त्रालयका सहसचिव एवम् योजना महाशाखा प्रमुख बैंकुण्ठ प्रसाद अर्यालले आर्थिक वर्ष २०७५÷०७६ को शिक्षा तथा विज्ञान प्रविधि सम्बन्धी बजेट तथा कार्यक्रमको प्रस्तुती गरेका थिए । प्रदेश तहमा शैक्षिक कार्यक्रम कार्यान्वयनसंग सम्बन्धित समस्याको पहिचान गरी समाधानका उपायहरु पहिल्याउने उद्येश्यले कार्यक्रम आयोजना गरिएको महाशाखा प्रमुख अर्यालले बताए ।

याे पनि पढ्नुस  ८ बुँदें माग राख्दै तीन विद्यार्थी संगठनले बुझाए शिक्षामन्त्रीलाई ज्ञापनपत्र

 

संघ प्रदेश र स्थानीय तहबीचको समन्वय र सहकार्यका उपयुक्त विधि पहिचान गर्न, शैक्षिक कार्यक्रमको प्रगति प्रतिवेदन मोडालिटी र कार्यान्वयन विधि पहिचान गरी कार्यान्वयन गर्न गोष्ठीले सहयोग गर्ने अर्यालले बताए । गोष्ठी भोलिसम्म चल्नेछ ।

कमेन्ट गर्नुहोस्