फुटबलका चर्चित रेड कार्ड ! थाह पाउनुहोस्

काठमाडौं, असोज १३ । विश्व फुटबलमा अहिले च्याम्पियन्स लिगमा रोनाल्डोले खाएको रातो कार्डवरिपरि खुलेर बहस भइरहेको छ । युभेन्टसबाट च्याम्पियन्स लिग डेब्युमा नै रातो कार्ड पाएपछि रोनाल्डोको पक्ष र विपक्षमा उनका समर्थक र विरोधीबीच सामाजिक सञ्जालमा एक-अर्काविरुद्ध खुलेरै आलोचना भएको छ ।

 

अहिले इटालीका मिडिया र स्पेनिस मिडियाबीच पनि रोनाल्डोको रातो कार्डलाई लिएर पक्ष–विपक्षमा ठूलो प्राथमिकताका साथ समाचार प्रकाशन तथा प्रसारण भइरहेका छन् । रोनाल्डोको रातो कार्डअघि पनि विश्वमा चर्चित रातो कार्डका प्रसंग यस्ता छन्

जिनेदिन जिदान (फ्रान्स)
२००६ विश्वकप फाइनल

खेलाडी तथा प्रशिक्षकका रूपमा थोरै व्यक्ति चम्कने गर्छन् । त्यही पंक्तिमा पर्छन् फ्रान्सेली फुटबलर जिनेदिन जिदान । फ्रेन्च राष्ट्रिय टोलीबाट प्रतिनिधित्व गर्दै उनले सन् १९९८ को विश्वकप तथा २००० को युरोकप च्याम्पियनसिप जिते ।

 

याे पनि पढ्नुस  अब मेसी र रोनाल्डोको प्रतिस्पर्धा सकियो !

स्पेनिस क्लब रियल म्याड्रिडलाई लगातार तीनपटक युरोपकै प्रतिष्ठित फुटबल प्रतियोगिता च्याम्पियन्स लिगमा प्रशिक्षकका रूपमा आफ्नो बनाए । यस कारण जिदान खेलाडी र प्रशिक्षकका रूपमा सफल पात्र हुन् । त्यसैले फिफाले वर्ष उत्कृष्ट प्रशिक्षकको सूची सार्वजनिक गर्दा उनी कम समयमै उत्कृष्ट अन्तिम तीनमा पर्न सफल भएका थिए ।

 

तर, कहिलेकाहीँ यस्ता व्यक्तित्वले सामान्य गल्ती गर्दा टोलीले ठूलो मूल्य चुकाउनुपर्छ । कुरो हो सन् २००६ को विश्वकप फुटबलको फाइनलको । फ्रान्सले उपाधि भिडन्तमा इटालीको सामना गरिरहेको थियो । फ्रान्स लगभग उपाधिउन्मुख नै थियो । तर, एक्कासि खेलमा जिदानले इटालीका डिफेन्डर मार्को मेटेराजीलाई ‘हेडबट’ गर्दै रातो कार्ड खाएर मैदानबाट बाहिरिए ।

 

डेभिड बेकह्याम (इंग्ल्यान्ड)
१९९८ को विश्वकप

इंग्लिस फुटबलर डेभिड बेकह्यामले आफ्नो समयमा राष्ट्रिय टोलीबाट कुनै पनि उपाधि जित्न सकेनन् । तर, पनि उनी इंग्लिस फुटबलकै रोल मोडलका रूपमा परिचित भए । अप्रत्याशित रूपमा रिसाउने स्वभावका बेकह्यामले विश्वकपमा अति नै महत्वपूर्ण खेलमा रातो कार्ड व्यहोरेका छन् । सन् १९९८ को विश्वकपको नकआउट चरणमा इंग्ल्यान्डले अर्जेन्टिनाविरुद्ध प्रतिस्पर्धा गरेको थियो ।

याे पनि पढ्नुस  रोनाल्डो आवद्ध युभेन्टसको शानदार जित, अंक तालिकाको शिर्ष स्थानमा

 

फ्रान्क रिज्कार्ड
(पश्चिम जर्मनी)

१९९० को विश्वकप पश्चिम जर्मनीले सन् १९९० को विश्वकप उचाल्दा मिडफिल्डर फ्रान्क रिज्कार्ड एक प्रमुख खेलाडीका रूपमा थिए । राम्रो खेलाडी भए पनि उनको नराम्रो बानी थियो– छिटै रिसाउने र विपक्षी खेलाडीविरुद्ध तत्कालै अपशब्द बोल्ने ।

 

आफ्नो त्यही रिसलाई नियन्त्रणमा राख्न नसक्दा उनले नेदरल्यान्ड्सविरुद्धको खेलमा रातो कार्ड पाए । पश्चिम जर्मनीले नकआउट चरणमा नेदरल्यान्ड्ससँग प्रतिस्पर्धा गरेको थियो । पहिलो हाफमा रिज्कार्डले नेदरल्यान्ड्सका खेलाडीसँग झगडा गर्दा चेतावनीस्वरूप पहेँलो कार्ड पाइसकेका थिए ।

 

वाइन रुनी (इंग्ल्यान्ड)
२००६ को विश्वकप
सन् २००६ को विश्वकपअन्तर्गत पोर्चुगल र इंग्ल्यान्डबीचको क्वार्टरफाइनल एक रातो कार्डकै कारणले चर्चित छ । तत्कालीन एकै क्लब म्यानचेस्टर युनाइटेडबाट व्यावसायिक फुटबल खेल्ने दुई स्टार खेलाडी वाइन रुनी र क्रिस्टियानो रोनाल्डोबीचको विवाद थियो । पोर्चुगलका रिकार्डो काल्भान्होलाई इंग्लिस डिफेन्डरले ट्याकल गर्दा रुनी प्रतिवादमा उत्रिएका थिए । युवा जोस नै थियो, रोनाल्डो पनि झगडामा समावेश भए ।

याे पनि पढ्नुस  रोनाल्डोविरुद्ध कामदार नै आन्दोलित !

 

यही क्रममा उनी मैदानमा लड्न पुगे । उनले रेफ्रीलाई रुनीले आफूलाई लडाएको भनी आरोप लगाए । रेफ्रीले दोहोरो क्रसचेक नगरी रुनीलाई रातो कार्ड देखाए । उत्कृष्ट फर्ममा रहेका रुनी विनाकारण रातो कार्ड पाउँदा अत्यधिक रिसाएका थिए । विश्वकपछि युनाइटेडमा फर्कंदा रुनी र रोनाल्डोबीच केही समय बोलचाल नै बन्द भएको थियो । यो सामग्री नयाँ पत्रिकाबाट लिएका हौं ।

कमेन्ट गर्नुहोस्