मजदुर ठगीको आरोप लागेका शेर्पा संग आर्थिक कारोबार नगर्न नेपाली दूतावास मलेशियाको अनुरोध

मलेशिया,असोज १५।मलेशियामा रहेका अबैधानिक नेपाली श्रमिकलाई स्वदेश पठाउछु भन्दै ठगी गर्न
फूपू तोम्बा शेर्पा संग आर्थिक लेनदेन नगर्न नेपाली दूतावास मलेशियाले अनुरोध गरेको छ।

साबिक नाल्बु १ ताप्लेजुङ घर भै लामो समय देखि मलेशिया बस्दै आएका शेर्पाले मलेशियामा विभिन्न कारणले अबैधानिक बन्न बाध्य भएका नेपाली कामदारसंग आफुले स्वदेश फर्काउन सक्ने भन्दै प्रतिब्यक्ती २ हजार रिंगेट देखि ३ हजार रिंगेट सम्म अशुल गरि कामदारलाई अलपत्र पारेपछी उनी विरुद्ध नेपाली दूतावास मलेशिया र त्यहाँ स्थित स्थानीय प्रशासनमा उजुरी परेको थियो।

ठगी आरोप लागेका शेर्पा

पीडित सहित मलेशियामा रहेका २१ वटा नेपाली संघसस्थाले सयुक्त रूपमा शेर्पा विरुद्ध कारबाहीको माग गर्दै उजुरी हालेपछि दूतावासले कानुनी रूपमा कारबाहीको प्रक्रिया अगाडि बढाएको जानकारी दिदै शेर्पा संग कुनैपनी किसिमको आर्थिक कारोबार नगर्न सचेत गराएको छ।

आइतबार एक सूचना जारी गर्दै दूतावासले अबैधानिक रूपमा मलेशियामा रहेका नेपालीलाई ब्यक्तिगत रूपमा कसैले स्वदेश पठाउन नसक्ने भन्दै कानुनी प्रक्रिया पूरा गरि बैधानिक रूपमा फर्किन वा मलेशियन सरकारले समय समयमा दिने आममाफीमा सहभागी हुन अनुरोध गरेको छ।

कमेन्ट गर्नुहोस्