६० प्रतिशत सस्तोमा औषधि बिक्री हुने गरेको जिकिर

काठमाडौँ, असोज १८ । परोपकार प्रसूति तथा स्त्रीरोग अस्पताल थापाथलीले ६० प्रतिशतसम्म सस्तो मूल्यमा औषधि बिक्री गरेको जिकिर गरेको छ ।

सेवाग्राही बिरामीलाई आवश्यक पर्ने ९० प्रतिशतभन्दा बढी औषधि त्यहाँको औषधि पसलमा रहेको अस्पतालका निर्देशक प्रा डा जागेश्वर गौतमले जानकारी दिए । तत्कालीन स्वास्थ्यमन्त्री गगनकुमार थापाले सरकारी अस्पतालले अनिवार्यरुपमा आफ्नै औषधि पसल सञ्चालन गर्नुपर्ने व्यवस्था लागू गरेका थिए ।

प्रसुति तथा स्त्रीरोगको केन्द्रीय सो अस्पतालको स्वीकृत शैय्या ३५० भएपनि हाल ४१५ शैय्या सञ्चालन गरिरहेको छ । अस्पतालमा आमा सुरक्षा कार्यक्रम, निःशुल्क नवजात शिशु उपचार कार्यक्रम, निःशुल्क पाठेघर खस्ने रोगको उपचार तथा शल्यक्रिया समेत भइरहेको छ । रासस

कमेन्ट गर्नुहोस्