सरकारले गरेका राम्रा कामको सही मूल्यांकन भएन : प्रचण्ड

गोरखा, असोज २० ।

नेकपाका अध्यक्ष प्रचण्डले सरकारले गरिरहेका राम्रा कामको प्रचार कम भएको गुनासो गरेका छन् । आजबाट सुरु भएको दसैँ सस्तो बजार मेला उद्घाटन गर्न गोरखा सदरमुकाम आएका अध्यक्ष प्रचण्डले पत्रकार साथीहरुले सडकका खाल्डाखुल्डीलाई मात्र बढी प्रचार गरेको बताए ।

याे पनि पढ्नुस  पालुङटारलाई ४ नं प्रदेशको नमूना नगर बनाउने माओवादी नेता श्रेष्ठको उद्घोष

पत्रकार भेटघाट कार्यक्रममा उनले भने, ‘‘साथीहरु सडकको खाल्डोको मात्रै चर्चा गर्नुहुन्छ । देशकै खाल्डा पुर्नेभन्दा ठूल्ठूला काम भएका छन्, तिनको पनि चर्चा गर्नुपर्‍यो ।’

अभ्यक्ष प्रचण्डले सरकारले गरेका राम्रो कामको सही मूल्याङ्कन गर्ने र हुन नसकेका कामको रचनात्मक सल्लाह र सुझावको आवश्यकता रहेको बताए । भूपरिवेष्ठित राष्ट्र नेपाल अब विभिन्न बन्दरगाहसँग जोडिन लागेको भन्दै उनले चीनसँगको ४ वटा बन्दरगाह प्रयोग गर्नेबारे भएको सम्झौतालाई सरकारको उल्लेख्य कामको रुपमा चर्चा गरे ।

याे पनि पढ्नुस  पूर्व-सभासदसहितका नेकपाका केन्द्रीय नेताहरु माअाेवादी केन्द्रमा प्रवेश

सडकलगायत पूर्वाधारलाई व्यवस्थित बनाउने दिशामा पनि सरकार गम्भीर भएर लागिरहेको उनले दाबी गरे । निर्मला हात्यकाण्डलगायत शान्ति र सुरक्षामा देखिएका च्नौतिका बारेमा पत्रकारले राखेको जिज्ञासा उनले भने, ‘देशमा बढ्दो बलात्कारलगायत आपराधिक घटना न्यूनीकरणका लागि प्रभावकारी उपाय अबलम्बन भएन भन्ने नागरिकका गुनासो छिट्टै अन्त्य गरिन्छ ।’

याे पनि पढ्नुस  गोरखामा ४ दशमलव १ रेक्टर स्केलको परकम्प

कमेन्ट गर्नुहोस्