राप्ती अस्पतालमा थप ४ चिकित्सक

दाङ, असोज २२ । राप्ती अञ्चल अस्पताल तुलसीपुरमा एक विशेषज्ञसहित थप ४ चिकित्सक उपचारमा खटिएका छन् । यसअघि अस्पतालमा दरबन्दी अनुसार चिकित्सक नहुँदा अस्पतालको सेवा प्रभावित हुने गरेको थियो ।

राप्ती उपक्षेत्रीय अस्पताल घोराहीमा निमित्त मेडिकल सुपरिटेन्डेन्टका रुपमा कार्यरत शल्यक्रिया विशेषज्ञ डा जनार्दन पन्थी सरुवा भएर राप्ती अञ्चल अस्पताल आएका हुन् । यस्तै स्वास्थ्य सेवा विभागले थप दुई चिकित्सकलाई अञ्चल अस्पतालमा पठाएको छ भने तुलसीपुर उपमहानगरपालिकाले समेत एक चिकित्सकको व्यवस्था गरेको छ । लामो समयसम्म रिक्त दरबन्दीमा नौ नर्स काममा खटिएका अस्पतालका निमित्त प्रमुख डा. सर्वेश शर्माले जानकारी दिए । “अब अस्पतालको सेवा थप प्रभावकारी बन्छ,” उनले भने ।

यसअघि चिकित्सक अभावमा अस्पतालको सेवा प्रभावित हुने गरेको थियो । विशेषज्ञ चिकित्सक नहुँदा सामान्य बिरामीलाई समेत अन्य अस्पताल पठाउनुपर्ने बाध्यता थियो । “थप चिकित्सक भित्र्याउने तयारीमा छौँ,” डा शर्माले भने । रासस

कमेन्ट गर्नुहोस्