अब कर्णालीको विकासका लागि डटेर लाग्छौंः इन्चार्ज शर्मा

सुर्खेत, असोज २६ । नेपाल कम्युनिस्ट पार्टी (नेकपा) का कर्णाली प्रदेश इन्चार्ज जनार्दन शर्मा ‘प्रभाकर’ले कर्णाली प्रदेशको विकासका लागि डटेर लाग्ने बताएका छन् ।

 

 

प्रदेश सरकार र विज्ञ समूहबीचको चौंथो बैठकका लागि सुर्खेत आएका इन्चार्ज शर्माले विजयादशमीको अवसरमा प्रदेश राजधानी सुर्खेत, वीरेन्द्रनगरमा आयोजित शुभकामना आदानप्रदान कार्यक्रममा क्षमता र अधिकार प्रयोग गरेर उत्कृष्ट कर्णाली प्रदेश बनाउने बताए ।

याे पनि पढ्नुस  दश वर्षभित्र नयाँ आकारको नेपाल बनाउन सकिन्छ भन्ने निष्कर्षमा पुगेका छौंः प्रचण्ड

 

 

‘हाम्रो कर्णाली हामी आफैँ बनाउँछौँ’, उनले भने, ‘यसका लागि यहाँस्थित सबैले योगदान पु¥याउनु पर्दछ ।’ उनले कर्णाली प्रदेश सरकारसँगको बैठकमा सरकारको आवश्यकतामा मद्दत गर्ने, प्रदेशको सरकारको संरचना निर्माणमा सहयोग पुर्याउने, कर्णाली विकासको ५–१५–५० वर्षीय रणनीति तथा व्यवस्थित योजना निर्माण गर्ने निर्णय भएको बताए । योजनाभन्दा कार्यान्वयन र परिणामसमेत महत्वाकाङ्क्षी हुनुपर्नेमा शर्माले जोड दिए ।

याे पनि पढ्नुस  नेकपाको बन्दका कारण कैलालीको जनजीवन प्रभावित

 

 

‘कर्णाली प्रदेशमा हाल पूर्वाधारका साथै जनशक्ति अभाव छ । कर्मचारीको पुनःसंरचना हुनसकेको छैन’, उनले भने, ‘संघर्ष र छलफलका बीचबाट रुपान्तरणको अभियान थाल्छौँ ।’ कर्णालीमा ३३ प्रतिशत मात्र कर्मचारी आएको बताउँदै उनले अब प्रदेश सरकारले आफैंले कर्मचारी भर्ना गर्ने बताए ।

 

 

फरक प्रसंगमा उनले नेकपाको कमिटीले तल्लोस्तरसम्म पूर्णता नपाएको र पार्टी स्थायी कमिटीको आगामी कात्तिक ४ गते बस्ने बैठकले सबै टुङ्गो लगाउने जानकारी दिए ।

याे पनि पढ्नुस  अध्यागमन विभागमा गलत भए कारवाही हुन्छ : गृहमन्त्री शर्मा

 

 

कार्यक्रममा उनले अब पार्टीभित्र कुनै गुट नहुने र यो विधि विधानसँग चल्ने बताए । कार्यक्रममा पूर्वमहान्यायाधिवक्ता मुक्ति प्रधान, डा. पूण्य रेग्मी, डा. कुशेन्द्र महत र डा. गोविन्द वियोगीको सहभागिता रहेको थियो ।

कमेन्ट गर्नुहोस्