घुस्याहा कर्मचारीले अख्तियारको हिरासत भरियो

काठमाडौं, असोज ३० । घूससहित समातिएका र विभिन्न अनियमितताको आरोपमा पक्राउ परेका प्रहरी तथा कर्मचारीले अहिले अख्तियारको हिरासत नै भरिएको छ ।

पछिल्लो समय हरेका दिनजसो कर्मचारीहरु घूससहित पक्राउ परिरहेका छन् । कतिपय त दसैंको विदामा अदालत बन्द भइसकेपछि पनि पक्राउ परेका छन् ।

आइतबार एक उपसचिव, एक इन्सपेक्टर र एक सिपाही पक्राउ परेका छन् । अदालत घटस्थापनादेखि नै बन्द हुने भएकाले अख्तियारको हिरासतको चाप बढेको छ।

हिरासत भरिएपछि पक्राउ परेकाहरुलाई अख्तियारले प्रहरी कार्यालयका हिरासतहरुमा समेत राख्ने गरेको छ। दसैं खर्चका नाममा घूस र असुल्नेहरुसमेत पक्राउ परेको अख्तियार प्रवत्ता रामेश्वर दंगाल बताउँछन् । नयाँ पत्रिकामा खबर छ ।

कमेन्ट गर्नुहोस्