कस्तो छ यो वर्ष प्रधानमन्त्रीको टीका लगाउने तालिका ? हेर्नुस्

काठमाडौं, असोज ३१ । प्रधानमन्त्री केपी शर्मा ओलीले विजयादशमीका दिन टीका लगाइदिने र टीका ग्रहण गर्ने समय तय भएको छ ।

 

विजयादशी अर्थात् टीकाको दिन प्रधानमन्त्री ओलीले पिता मोहनप्रसाद ओलीको हातबाट बिहान १० बजे टीका लगाउने छन् । त्यसपछि उनले आफ्नो सचिवालयका कर्मचारीलाई टीका लगाइदिने कार्यक्रम छ । प्रधानमन्त्री ओलीले दिउँसो १ बजे राष्ट्रपति विद्यादेवी भण्डारीको हातबाट टीका लगाउने कार्यक्रम पनि तय भएको छ ।

 

उनले टीकाको दिन दिउँसो २ बजे मन्त्री, सांसद, पार्टीका नेता, सुरक्षा अधिकारीहरु, लगायतलाई टीका लगाइ दिने छन् । दिउँसो साढे ३ बजेपछि पार्टीका कार्यकर्ता र सर्वसाधारणलाई तथा साँझ ६ बजेपछि परिवारका सदस्यहरुलाई टीका लगाइदिने कार्यक्रम तय भएको सचिवालयले जनाएको छ ।

 

एकादशीदेखि चतुर्दशी अर्थात कार्तिक ६ गतेसम्म बिहान ९ देखि ११ बजेसम्म उनले पार्टीका कार्यकर्ता र शुभचिन्तकलाई टीका लगार्इ दिने छन् ।

 

यसैबीच, २२ वर्षपछि गएको वर्ष टीका लगाएका नेकपाका अध्यक्ष प्रचण्डले भने यस वर्ष टीका लगाउने छैनन् । छोरा प्रकाशको निधन भएको १ वर्ष पूरा नभएकाले उनले यसपटक टीका नलगाउने प्रचण्डको सचिवालयले जनाएको छ । -उज्यालो अनलाइन

कमेन्ट गर्नुहोस्