‘काजी रोशन साहित्य पुरस्कार’ साहित्यकार पौडेललाई

बागलुङ, कात्तिक ८ ।

काठमाडौँका साहित्यकार बाजुराम पौडेललाई ‘काजी रोशन साहित्य पुरस्कार’ प्रदान गरिने भएको छ । धौलागिरि साहित्य प्रतिष्ठानले २०७४ को उक्त पुरस्कार शर्माको महाकाव्य ‘शान्ताश्री’ का लागि प्रदान गर्ने निर्णय गरेको हो । उक्त पुरस्कारको राशि रु १५ हजार छ ।

पुरस्कार यसै महिना प्रदान गरिने प्रतिष्ठानका अध्यक्ष काजी रोशनले बताए । प्रतिष्ठानले प्रत्येक दुर्ई वर्षमा राष्ट्रियस्तरमा उक्त पुरस्कार प्रदान गर्दै आएको छ ।

यसअघि १३ साहित्यकारले उक्त पुरस्कार पाएका थिए । साहित्यकार पौडेलका ‘सिर्जना फस्टाउनुपर्छ’ (खण्डकाव्य), ‘बाजुरामका कविताहरू’ (कविता सङ्ग्रह) लगायत कृति प्रकाशित छन् । उनी अभिनव साहित्य समाज, कपन साहित्य समाज, रमेश विकल साहित्यिक प्रतिष्ठानलगायत साहित्यिक सङ्घसंस्थामा आबद्ध छन् ।

कमेन्ट गर्नुहोस्