ओबामा र क्लिन्टनको घरमा बम पार्सल गर्ने ट्रम्प समर्थक

वाशिंगटन, कार्तिक १० । अमेरिकामा केही दिन यता प्रमुख डेमोक्र्याट नेताहरूको घरमा पार्सलमा बम पठाएको अभियोगमा एकजनालाई गिरफ्तार गरिएको छ ।

अमेरिकी अधिकारीहरूले यस मामिलामा ५६ वर्षीय सिजर सियोकलाई हिरासतमा लिइएको बताएको छ । सियोक राष्ट्रपति ट्रम्पका कट्टर समर्थक हुन् ।

अधिकारीहरूले  केही अन्य संदिग्ध व्यक्तिहरूलाई समेत प्रहरीले पछ्याइरहेको अमेत बताएका छन् ।

याे पनि पढ्नुस  मेक्सिकोका राष्ट्रपतिले ट्रंपलाई यस्तो जवाफ फर्काएपछि

उता अमेरिकी राष्ट्रपति डोनल्ड ट्रम्पले आफ्न्नो देशमा यस प्रकारका उच्छृंखल गतिविधिका लागि कुनै स्थान नरहेको भन्दै दोषीहरूमाथि कारबाही हुने आश्वासन दिएका छन् ।

अमेरिकाको गुप्तचर विभागले पूर्व राष्ट्रपति बाराक ओबामा र पूर्व विदेशमन्त्री हिलारी क्लिन्टनसहित आठ जना प्रतिष्ठित व्यक्तिहरूको घरमा पठाइएका संदिग्ध पार्सलहरूमा विष्फोटक जडान गरिएको डिभाइस बरामद गरेको थियो ।

याे पनि पढ्नुस  अमेरिकामाथि आणविक आक्रमण भएको खण्डमा कहाँ बस्लान् राष्ट्रपति ट्रंप?

अमेरिकी अधिकारीहरूले यीमध्ये केही पोकाहरू उत्तर-पश्चिमी मियामीको एउटा हुलाकबाट पठाइएको बताएकाछन् ।

एफबिआइले ओबामा र क्लिन्टनका अतिरिक्त अर्बपति जर्ज सोरेस, अभिनेता रोबर्ट डी निरो, जो बिडेन, सिआइएका पूर्व प्रमुख जोन ब्रेनन, र पूर्व महान्यायाधिवक्ता  एरिक होल्डरलाई यस्तो पार्सल पठाईएको थियो  ।

तर यीमध्ये कुनै पनि डिभाइस विष्फोट भने हुन पाएको थिएन ।

याे पनि पढ्नुस  कानुन बनाएर मात्रै बन्दैन देश, मान्छेका मन पो मिल्नुपर्छ - ओबामा

यसरी विष्फोटक पठाइएका सबै जना राष्ट्रपति ट्रम्पका कटु आलोचक मानिन्छन् । यस्तो बम आतंक अमेरिकाको मध्यावधि निर्वाचनभन्दा दुई हप्ता पहिले सुरु भएको हो ।

धेरैले अमेरिकामा राजनैतिक कटुताको युग सुरु भएको र यसका लागि ट्रम्पका कट्टरपन्थी नीतिहरू दोषी रहेको बताएका छन् ।

एजेन्सी

कमेन्ट गर्नुहोस्