जापान जान चाहनेले अनलाइनबाटै भाषा परीक्षा दिन सक्ने

काठमाडौं, कार्तिक १५ ।

जापान जान चाहने नेपालीले पहिलो पटक अनलाइनबाटै जापानी भाषा परीक्षा दिन पाउने भएका छन् ।

बिहीबार काठमाडौंमा आयोजित पत्रकार सम्मेलनमा जापानको प्राक्टिकल जापानीज कम्युनिकेसन (पिजेसी) ब्रिजसँग सहकार्य गरी अनलाइनबाटै भाषा परीक्षा दिन पाउने व्यवस्था गर्न लागिएको मोग सर्भिस प्रालिका अध्यक्ष प्रमुख कार्यकारी अधिकृत ओमहरि प्रजापतिले जानकारी दिए ।

याे पनि पढ्नुस  पोखरामा खानेपानी सुधारका लागि जापानले दियो साढे चार अर्ब अनुदान

कागजबाट लिखित परीक्षा दिँदा नतिजाका लागि तीन महीना पर्खनुपर्नेमा अनलाइनबाट परीक्षा दिनेबित्तिकै थाहा पाउन सकिन्छ । सोको प्रमाणपत्र १० दिनमा लिन पाइनेछ । परीक्षामा उपयुक्त लब्धाङ्क नआएको एक सातापछि अर्को परीक्षा दिन सकिने व्यवस्था छ ।

जापानको न्याय मन्त्रालय र अध्यागमन विभागले मान्यता दिएको पिजेसीले सन् १९७६ देखि नै परीक्षा सञ्चालन गर्दै आएको छ । सोही संस्थासँग मोगले सहकार्य गरी परीक्षा सञ्चालन गर्न लागेको हो ।

याे पनि पढ्नुस  जापानी प्रधानमन्त्रीलाई इजरेलले जुत्तामा खाना पस्केपछि  

मोगका प्रमुख कार्यकारी अधिकृत प्रजापतिकाअनुसार विद्यार्थीबाहेकले पनि भाषा परीक्षा दिने पाउनेछन् । परीक्षा शुल्क तीन हजार ५ सय लाग्छ । परीक्षा अनलाइनबाट जति बेला पनि दिन सकिने छ ।

कमेन्ट गर्नुहोस्