साढे ३ वर्षपछि बाह्रबिसे–तातोपानी नाका क्षेत्रमा चहलपहल सुरु

चौतारा, कार्तिक १६ ।

वि.सं २०७२ वैशाख १२ को विनाशकारी भूकम्पपछि बन्द भई सुनसान रहेको चीनसँगको एकमात्र तातोपानी नाका झण्डै साढे ३ वर्षपछि खुल्ने संकेत मिलेपछि त्यस क्षेत्रमा चहलपहल बढ्न थालेको छ।

भूकम्प र विसं २०७३ असारको बाढीले बस्ती तथा सडक क्षतविक्षत भई पैदल हिँडन समेत कठिनाइ परेको अवस्थामा चिनियाँ रेलवे कन्स्ट्रक्सन कम्पनी ९१४० फोर्टिन व्यूरो सिआरसिसीले हालै तातोपानी बजारदेखि लिपिङ खोलासम्मको क्षतिग्रस्त स्थानको करिब २ सय ३० मिटर सडकको नयांँ ट्र्याक खोलेको छ ।

याे पनि पढ्नुस  धार्मिक तथा पर्यटकीय क्षेत्र पाँच पोखरीमा केबलकार बनाउन पहल

भोटेकोशी गाउँपालिका–२ का वडाध्यक्ष दीपेन्द्र श्रेष्ठकाअनुसार तातोपानी धाराभन्दा माथि २ सय मिटर र कोदारीको कोप्लाङमा ३० मिटर ट्र्याक खोलिएको छ ।

त्यस्तै लिपिङ खोला नजिक सडकको तल्लो भागमा सिमेण्टेड टेवा पर्खाल लगाउने काम भइरहेको हुँदा लिपिङको बसपार्कसम्म साना गाडी सञ्चालन भएका छन् ।

सडक निर्माणका साथै नाका सञ्चालन गर्न गत भदौ १७ गते तिब्बत स्वशासित प्रदेशकी उपसचिव छुयाङलुको नेतृत्वमा आएको प्रतिनिधिमण्डल र नेपाल सरकारका विभिन मन्त्रालयका अधिकारी सम्मिलित टोलीले बाह्रबिसेदेखि तातोपानी सडकका साथै खासा क्षेत्रको समेत स्थलगत निरीक्षण गरेका थिए ।

याे पनि पढ्नुस  अब कुनै समस्या छैन, घरदैलोमै अाएर वृद्धभत्ता दिइने

उक्त सडक खण्डको साविक चौडाइ वृद्धि गरी १२ मिटर फराकिलो पारिने भएको छ । सडक चौडा गर्दा कसैको पूरै र कसैको आधा घर पर्ने सशस्त्र प्रहरी सीमा सुरक्षा बलका प्रहरी नायब उपरीक्षक कृष्णगोपाल गुरुङले बताए ।

सडक निर्माणका लागि आवश्यक ठूला निर्माण सामग्री आइसकेको बताइएको छ । चीन सरकारले बनाइदिने मितेरी पुल पनि खासापट्टिको भागमा काम भइरहेको स्थानीयले बताएका छन् । राजधानीबाट छोटो दूरीमा रहेको उक्त नाका बन्द हुँदा वार्षिक छ अर्ब राजस्व गुम्नुका साथै हजारौंको रोजगारी गुमेको छ ।

याे पनि पढ्नुस  धमाधम कक्षाकोठाको निर्माण

सोही कम्पनीले निर्माण गरिरहेको सुख्खा बन्दरगाहको काम पनि तीव्रगतिमा भइरहेको छ । गत वैशाख २० गते सम्झौता भएको उक्त बन्दरगाह आगामी मे महिनामा सम्पन्न गर्ने लक्ष्य रहेको भए पनि छ महिनाकै अवधिमा हालसम्म ८० प्रतिशत काम सम्पन्न भएको छ । भोटेकोशीमा बनाइने १ सय १२ मिटर पक्की पुलको काम अबको ३–४ महिनामा सम्पन्न हुने बन्दरगाहमा कार्यरत मिलन शेर्पाले जानकारी दिए । रासस

कमेन्ट गर्नुहोस्