प्रिमियर लिग क्रिकेटको फाइनलमा पुग्यो चितवन राइनोज

पोखरा, चितवन राइनोजले नमस्ते प्रिमियर लिग क्रिकेटको फाइनलमा स्थान सुरक्षित गरेको छ । आइतबार भएको इलिमिनेटरमा मा चितवन राइनोजले हुलास काठमाडौं रोयल्सलाई ६ विकेटले पराजित गर्दै फाइनलमा प्रवेश गरेको हो । टस जितेर व्याटिङ रोजेको काठमाडौं रोयल्स १९.३ ओभरमा ९४ रनमा समेटिएको थियो । चितवन राइनोजले ले १८.२ ओभरमा लक्ष्य पुरा गरेको थियो ।

चितवनले मंगलबार हुने फाइनलमा पोखरा पल्टनसँग खेल्ने छ । पोखरा पल्टन टीम राउन्ड रोबिन लिगको शीर्ष स्थानमा रही सिधै फाइनलमा पुगिसकेको छ ।

चितवनलाई विजय दिलाउने क्रममा स्मित पटेलले ३८ रन बनाए । उनले ४३ बल खेली ३ चौका प्रहार गरे । आरिफ शेखले अविजित २० र सन्नीले अविजित ६ रन प्रहार गरे ।

चितवनको सुरुवात राम्रो रहेने । अनिल साह १ र कप्तान पारस खड्का २ रनमै आउट भए । ओपनर हरिशंकर साहले २२ बलमा ३ चौका र १ छक्का प्रहार गरी २६ रन बनाए ।

काठमाडौंबाट सुशन भारीले ३ र पवन सर्राफले १ विकेट लिए ।

यसअघिचितवन राइनोजले नमस्ते पोखरा प्रमियर लिग ९पीपीएल० क्रिकेटको फाइनलमा पुग्न ९५ रनको लक्ष्य पाएकोथियो । आइतबार पोखरा रंगशालास्थित क्रिकेट मैदानमा टस जितेर व्याटिङ रोजेको हुलास काठमाडौं रोयल्स इलिमिनेटरमा १९।३ ओभरमा ९४ रनमा अल आउट भयो ।

सन्नी पटेलले एकै ओभरमा ३ विकेट लिँदै काठमाडौंलाई धराशायी बनाए। काठमाडौंले पहिलो ओभरमा आक्रामक सुरुवात गर्दै १५ रन बनाएको अवस्थामा दोस्रो ओभरमा सन्नीले अमित श्रेष्ठ, पवन सर्राफ र गौरव तोमारलाई आउट गरी चितवनलाई उत्कृष्ट पुनरागमन गराएका थिए।

काठमाडौंबाट जयकिस्नन् कोल्सावालाले २५ र कप्तान ज्ञानेन्द्र मल्लले ३० रन बनाए। ज्ञानेन्द्रले ३५ बल खेली २ चौका प्रहार गरे। खेलको एक मात्र छक्का प्रहार गरेर आदिल खान ८, बसन्त रेग्मी शुन्य, अमरसिंह रौटेला ९ र सुशन भारी ३ रनमा आउट भए।

सन्नीले ३ विकेट लिने क्रममा ४ ओभरमा ९ रन मात्रै खर्चिए। अर्का भारतीय खेलाडी स्मति पटेलले ४ ओभरमा १९ रन खर्चेर २ विकेट लिए।

भुवन कार्कीले ३ ओभर बलिङ गर्दै १० खर्ची २ विकेट लिए। करण केसी र कप्तान पारस खड्काको नाममा १र१ विकेट रह्यो।

यस खेल जित्ने टोलीले मंगलबार हुने फाइनलमा पोखरा पल्टनसँग प्रतिस्पर्धा गर्ने छ। राउन्ड रोबिनको प्रतिस्पर्धामा चितवनले काठमाडौंमाथि १३ रनको विजय हात पारेको थियो।

कमेन्ट गर्नुहोस्