Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

सरकारले संविधान विरोधी क्रियाकलाप गर्दैछः कांग्रेस नेता खाँड

जनकपुरधाम, कार्तिक २१ । नेपाली कांग्रेसका केन्द्रीय सदस्य बालकृष्ण खाँडले सरकारले संविधान विरोधी क्रियाकलाप गरिरहेको आरोप लगाएका छन् । नेपाल प्रेस युनियन धनुषा शाखाद्वारा बुधबार आयोजित पत्रकार सम्मेलनमा उनले यस्तो आरोप लगाएका हुन् ।

कांग्रेसका प्रमुख सचेतकसमेत रहेका खाँडले सरकारका नकारात्मक क्रियाकलाप विरूद्धमा कांग्रेस छठपर्वपछि रचनात्मक र स्रघर्षशील कार्यक्रम सञ्चालन गर्ने जानकारी दिए। प्रदेश सरकारलाई अख्तियारी दिने र संघीयता कार्यान्वयन सन्दर्भमा प्रधानमन्त्रीको गम्भीर्यता नदेखिएको आरोपसमेत लगाए ।

देशमा हिंसा, महँगी, करवृद्धि, मूल्यवृद्धि र असुरक्षाका कारण जनता कष्टकर अवस्थामा रहेको उनको भनाइ थियो । नेता खाँडले हजामदेखि जुत्ता पालिस गर्नेलाई कर लगाएको, घर करका कारण घर बेच्नुपर्ने अवस्था सिर्जना गरेको, महँगीले जनताको आम्दानी घट्ने क्रियाकलाप गरेकाले मुलुक अस्थिर बनेको बताए ।

कमेन्ट गर्नुहोस्

%d bloggers like this: