प्रचण्डको दाबी– देखिने गरी काम हुँदै छन्, सरकारले गेयर बदल्दै छ [भिडियोसहित]

काठमाडौं, कार्तिक २१ । नेपाल कम्युनिस्ट पार्टी (नेकपा) का अध्यक्ष प्रचण्डले सरकारले देखिने गरी काम गर्न लागेको बताएका छन् । प्रेस चौतारी र प्रेस सेन्टर गण्डकी प्रदेशले बुधबार पोखरामा आयोजना गरेको पत्रकार भेटघाटमा प्रचण्डले यस्तो बताएका हुन् ।

 

उनले भने, ‘बर्खा भर्खरै गएको छ । मैले त भनेको छु, अब गेयर बदल्ने समय आएको छ । मलाई लाग्छ सरकारले गेयर बदल्दै छ । अब जनताले देख्ने गरी कामहरु हुन्छन् ।’ पूर्व प्रधानमन्त्रीसमेत रहेका प्रचण्डले संविधानको सफल कार्यान्वयन र समृद्धिका लागि मुलुकका तीनवटै सरकार प्रतिबद्ध भएर अगाडि बढ्नुपर्ने बताए ।

याे पनि पढ्नुस  सरकारसँग वार्ताको औचित्य छैन : विप्लब

 

संघीयतलाई सफल र प्रभावकारी बनाउन सबैको सहयोग, सहकार्य अपरिहार्य भएको उल्लेख गर्दै उनले जनताले अनुभूति गर्ने गरी काम गर्न सरकारलाई सुझाव दिए ।

 

संविधानले व्यवस्था गरेअनुरुप असोज ३ गतेभित्र सबै प्रकारका ऐन बनाउनाका साथै छिमेकी मुलुक भारत र चीनसँगको सम्बन्ध सुदृढ बनाउन वर्तमान सरकार सफल भएको उनले बताए । अन्तर्राष्ट्रिय जगत्मा राजनीतिक परिवर्तन भएसँगै पुराना कर्मचारीको नेतृत्व तहलाई पूरै हटाइन्छ र नयाँ प्रणालीलाई आत्मसात् गर्ने कर्मचारी ल्याउने गरेको बताउँदै प्रचण्डले भने, ‘नयाँ संरचनाअनुरुप सरकारलाई सहयोग गरी संघीय गणतन्त्रलाई बलियो बनाउनु पर्दछ ।’

याे पनि पढ्नुस  स्कुल बस दुर्घटनामा एकको मृत्यु, दुई घाइते

कमेन्ट गर्नुहोस्