Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

छठ पर्वको लागि भव्य तयारी हुँदै

बुटवल, कात्तिक २६ ।

प्रदेश नं ५ का मुख्यमन्त्री शङ्कर पोखरेलले जातीय र सांस्कृतिक विविधताले भरिएको नेपालमा विभिन्न जाति र समुदायले मनाउने पर्व सम्पूर्ण नेपालीको अमूल्य निधि भएको बताएका छन् ।

मुख्यमन्त्री पोखरेलले छठ पर्वका अवसरमा सोमबार दिएका शुभकामना सन्देशमा समाजका पर्व र संस्कृतिले एकता, भ्रातृत्व र मेलमिलापको वातावरण बनाइरहेको तथा कुनै समय कुनै समुदाय विशेषले मनाउने छठ पर्व अहिले सबै नेपालीका साझा बन्दै जानु नेपाली समाजका लागि सुखद् विषय भएको बताए ।

उनले आफ्नो नेतृत्वको प्रदेश सरकार प्रदेशको विकास र समृद्धिका माध्यमबाट राष्ट्र निर्माणको महाअभियानमा जुटिरहेको बताउँदै समृद्ध प्रदेशका माध्यमबाट समृद्ध राष्ट्र निर्माण गर्ने महाअभियानमा जुट्न सबैमा आग्रह गरेका छन् । रासस

कमेन्ट गर्नुहोस्

%d bloggers like this: