निर्मला हत्या प्रकरणमा कांग्रेस गम्भीर छः नेता बडू

भीमदत्तनगर, कार्तिक २६ । नेपाली कांग्रेसका केन्द्रीय सदस्य दिलेन्द्रप्रसाद बडूले कञ्चनपुरको भीमदत्त नगरपालिका–२ का १३ वर्षीया बालिका निर्मला पन्तको हत्या प्रकरणलाई कांग्रेसले गम्भीर रुपमा लिएको बताएका छन् ।

जिल्ला प्रशासन कार्यालय कञ्चनपुरको मूलद्वारअगाडि धर्ना बसेका निर्मलाका बुबा आमासहित महिला अधिकारकर्मीको सो कार्यक्रममा ऐक्यबद्धता जनाउँदै प्रतिनिधिसभा सदस्यसमेत रहेका नेता बडूले सरकारले अहिलेसम्म हत्यारा पत्ता लगाउन नसक्नु दुःखको कुरा भएको उल्लेख गरे ।

याे पनि पढ्नुस  निर्मला हत्यामा प्रमाण नष्ट गर्न दोषी र प्रहरी नै मिलेको हुनसक्ने

‘सरकार यस घटनामा हत्यारा पत्ता लगाउन आलटाल गर्दैछ’, उनले भने, ‘यो घटनाले नेपाल प्रहरीको क्षमतामाथि जनताले आशङ्का गर्ने अवस्था आउनु दुःख कुरो हो ।’ अपराधी जो सुकै भएपनि कानूनी कारवाहीको भागिदार हुनुपर्ने बताउँदै उनले जनता आपराधिक कार्यविरुद्ध सङ्गठित हुने अवस्था आएको उल्लेख गरे । -रासस

कमेन्ट गर्नुहोस्