Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

साउदी युवराजको निर्देशनमा पत्रकार खशोग्जीको हत्या भयो: सीआइए

काठमाडौं, मंसिर १ । अमेरिकी गुप्तचर निकाय (सीआइए) साउदी पत्रकार जमाल खशोग्जीको हत्याका लागि साउदी अरबका युवराज मोहम्मद बिन सलमानले निर्देशन दिएको निष्कर्षमा पुगेको अमेरिकी सन्चारमाध्यमले जनाएका छन् ।

टर्कीले हत्यासँग जोडिएको टेप अमेरिका र साउदीलाई उपलब्ध गराएपछि सीआइएको रिपोर्ट सार्वजनिक भएको हो ।

टर्कीको इस्तानबुलस्थित साउदी वाणिज्य दूतावासमा गत अक्टोबर २ मा खशोग्जीको हत्या भएको थियो ।

साउदी युवराजका कट्टर आलोचक मानिने खशोग्जीको हत्या उनको स्वीकृतिबिना सम्भव नभएको उनीहरुको बुझाइ छ ।

तर, साउदी अरबले भने यो दाबी झुटो भएको भन्दै खशोग्जी हत्याको योजनाबारे युवराजलाई कुनै जानकारी नभएको जनाएको छ ।

सुरुमा उनको अवस्थाबारे जानकारी नभएको बताउँदै आएको सायदी सरकारले चर्को दबाबपछि भने खशोग्जीको मृत्यु भएको र खराब नियत भएका ‘एजेन्ट’ले हत्या गरेको जनाएको थियो । तर, अझै उनको शव फेलापर्न सकेको छैन ।

टर्कीले उनको हत्या उच्च तहबाट भएकोमा जोड दिँदै आएको छ ।

यसैबीच, अमेरिकी उपराष्ट्रपति माइक पेन्सले खशोग्जीको हत्यामा संलग्नलाई न्यायको कठघरामा उभ्याउनुपर्ने बताएका छन् । (एजेन्सी)

कमेन्ट गर्नुहोस्

%d bloggers like this: