विभागद्धारा ४ हजार स्वास्थ्यकर्मीको सरुवा, सूची आज प्रकाशित गरिदैं

काठमाडौं, मंसिर ३ । स्वास्थ्य सेवा विभागले करीब ४ हजार स्वास्थ्यकर्मीको एकै पटक सरुवा गर्ने निर्णय गरेको छ । सरुवाको सूची भने आज (सोमबार) बाट क्रमश प्रकाशित गर्दै जाने योजनामा रहेको छ ।

यसअघि विभागले नियमित सरुवा गर्ने महिना कात्तिकमा सरुवाको सूची प्रकाशित नभएपछि स्वास्थ्यकर्मीहरु अन्योलमा थिए । तर अनलाइन निवेदन दिनेको संख्या ठूलो भएको ठूलो संख्यालाई मिलाएर सरुवा गर्नुपर्ने अवस्था भएकोले केही ढिलाई भएको सरुवाको कार्यमा खटिएका एक अधिकारीले बताए ।

याे पनि पढ्नुस  सामान्य प्रशासन मन्त्रालयबाट मध्यराति २५० भन्दा बढी कर्मचारी सरुवा

‘हामीले सुरुमा करीब २ हजार जति सरुवा होला कि भन्ने अनुमान गरेका थियौँ । तर संख्या ठूलो भयो । सरुवा गर्दै जाँदा करीब करीब ४ हजार नै पुग्छ कि जस्तो छ,’ ती अधिकारीले भने ।

स्रोतका अनुसार विभागले पहिलो चरणमा स्टाफ नर्स र विविध समूह (ल्याव, फार्मेसी, मेरेअ, रेडियोग्राफर) का विभिन्न पदहरुको चिठी तयार गरेको छ । भोलि (सोमबार) सो चिठी सम्वन्धीत जिल्लास्थित कार्यालयमा पठाएपछि सरुवाको सूची अनलाइनमा प्रकाशित गर्ने योजनामा विभागका अधिकारीहरु रहेका छन् ।

याे पनि पढ्नुस  सामान्य प्रशासन मन्त्रालयबाट मध्यराति २५० भन्दा बढी कर्मचारी सरुवा

‘त्यस लगत्तै अरु एचए, अहेव, अनमी लगायतका पदहरुको सरुवा चिठी तयार गर्ने र सरुवा सूची प्रकाशित गर्ने योजना छ ।
भोलि फस्ट आवरमा पहिलो चरणको सूची प्रकाशित हुन्छ । त्यसअघि कर्मचारीको चिठी हुलाकबाट पोष्ट गरिसकेका हुन्छौँ । यसले पछि सच्याउन आउने दवाव कम हुन्छ भन्ने सोच हो,’ उनले भने ।

याे पनि पढ्नुस  सामान्य प्रशासन मन्त्रालयबाट मध्यराति २५० भन्दा बढी कर्मचारी सरुवा

यसअघि सरकार निकट स्वास्थ्यकर्मीका संगठनहरुले समायोजन ऐन आउन लागेको सन्दर्भमा ठूलो संख्यामा स्वास्थ्यकर्मी सरुवा नगर्न विभागका अधिकारीलाई सुझाव दिएका थिए ।

अधिकारीहरुले भने सुझाव सकारात्मक रहेपनि अनलाइन फारम भरेका करीब साढे ५ हजार बढीबाट करीब ४ हजार कर्मचारीलाई सरुवा गर्नै पर्ने अवस्था देखिएको बताए । विभागलाई चौथो देखि सातौँ तह (पाँचौँ तहको आधार पद भएका) स्वास्थ्यकर्मीको सरुवा गर्ने अधिकार छ । -नेपाली हेल्थबाट

कमेन्ट गर्नुहोस्