सोमबारदेखि राष्ट्रिय परिचयपत्र वितरण शुरु

काठमाडौं, मंसिर ३ ।

नेपाल सरकारले सोमबारदेखि बायोमेट्रिक विवरण सहितको राष्ट्रिय परिचयपत्र वितरण गर्दैछ।

पाँचथरको फिदिम नगरपालिका–४ शान्तिपुरकी १०१ वर्षीया भगवतीदेवी भण्डारीलाई परिचयपत्र प्रदान गरेर वितरणको शुभारम्भ गरिने भएको छ ।

पाँचथरको सहिद मञ्चमा हुने कार्यक्रममा सहभागी हुन गृहमन्त्री रामबहादुर थापा ‘बादल’ सोमबार ११ बजे फिदिम पुग्दैछन् । प्रधानमन्त्री केपी ओलीले उद्घाटन गर्ने कार्यक्रम तय भएपनि उनको अस्वस्थताका कारण गृहमन्त्री जाने भएका हुन् ।

याे पनि पढ्नुस  सिंहदरबारबाट निस्कने दिसापिसाब सिंहदरबारमै व्यवस्थापन हुँदै

यसअघि पनि १०१ वर्षीया भण्डारीबाटै राष्ट्रिय परिचयपत्रको विवरण संकलन थालिएको थियो। उनलाई परिचयपत्र प्रदान गरेपछि पाँचथरका थप ५० जनालाई वितरण गर्ने तयारी छ।

पाँचथरका प्रमुख जिल्ला अधिकारी प्रकाशचन्द्र अधिकारीले परिचयपत्र वितरणका लागि जिल्लामा ५२ हजारभन्दा बढीको विवरण लिइसकिएको बताए ।

गत सार ५ गतेदेखि राष्ट्रिय परिचयपत्रका लागि पाँचथरमा विवरण संकलन थालिएको थियो।

एसियाली विकास बैंकको सहयोगमा सरकारले पहिलो चरणमा पाँचथरमा वितरण गर्न लागेको हो । अन्य जिल्लामा पनि क्रमैसँग परिचयपत्र वितरण गर्दै जाने राष्ट्रिय परिचयपत्र व्यवस्थापन तथा पञ्जीकरण विभागका महानिर्देशक दीपक काफ्ले बताउँछन् ।

याे पनि पढ्नुस  काठमाडौँका खाल्डा पुर्न २ महिना

एक लाख १७ हजार परिचयपत्र छपाइका एडिबीले अनुदान दिनेछ । जसका लागि करिब ५५ करोड रुपैयाँ खर्च हुने अनुमान छ।

एउटा परिचयपत्र छाप्दा करिब तीन सय ५० रुपैयाँ लाग्छ। तर यससम्बन्धी कानुन नबनेकाले निस्शुल्क वितरण गरिने छ।

परिचयपत्र चिप प्रविधिमा आधारित छ। तर यो परिचयपत्रले नागरिकतालई विस्थापित गर्दैन। महानिर्देशक काफ्लेका अनुसार संविधानमा नागरिकता र राष्ट्रिय परिचयपत्र सम्बन्धी दुवै व्यवस्था भएकाले नागरिकता र यो परिचयपत्र फरक हो।

याे पनि पढ्नुस  ९०० एम्पुल लागूऔषधसहित यादव पक्राउ

परिचयपत्रमा नागरिकता, लाइसेन्स, राहदानी, सामाजिक सुरक्षा सम्बन्धी परिचय लगायत सबै विवरण समेटिनेछन्। सुरुमा नागरिकता लिएका व्यक्तिलाई मात्र सरकारले राष्ट्रिय परिचयपत्र दिनेछ। सौराहाअनलाइबाट

कमेन्ट गर्नुहोस्