Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

अध्यक्ष केसी भन्छन्, ‘जीविकोपार्जनमा समस्या आयो’

काठमाडौं, मंसिर ४ । राष्ट्रिय जनमोर्चाका अध्यक्ष चित्रबहादुर केसीले मुलुकमा गणतन्त्रको स्थापना भएपनि आर्थिक समृद्धि कायम नभएकाले जीविकोपार्जनमा समस्या आएको बताएका छन् ।

पार्टीले मंगलबार काठमाडौंमा आयोजना गरेको ‘वर्तमान राजनीतिक परिस्थिति र राजतन्त्रको पुनःस्थापनाको खतरा’ विषयक अन्तरक्रियामा उनले उत्पादन र वितरण प्रणालीमा यान्त्रिकीकरण नभएसम्म सामाजिक परिवर्तन, आर्थिक विकास र सामाजिक न्याय कायम हुन नसक्ने बताए ।

पूर्वउपप्रधानमन्त्री केसीले कम्युनिस्ट पार्टीको एकताबाट निर्माण भएको दुई तिहाइ जनादेशको सरकारले शान्तिसुरक्षा कायम र महँगी नियन्त्रण गर्न नसक्दा जनता अहिलेको राजनीतिक व्यवस्थाप्रति नै निराश बनेर राजतन्त्र फर्कने खतरा रहेकामा चिन्ता व्यक्त गर्दै दलहरुलाई त्यसतर्फ संवेदनशील बन्न आग्रह गरे ।

स्वदेशी उत्पादनलाई संरक्षण गर्न नसकिएका कारण मुलुकमा आयात बढेको तथा बहुराष्ट्रिय कम्पनीको उत्पादनको प्रयोगले व्यापार घाटा थपिएको उनको भनार्इ थियो ।

कार्यक्रममा पार्टीले प्रस्तुत गरेको अवधारणापत्रमा अहिले पूर्वराजा र राजवादीहरु नेपालमा धर्मको नाममा राजनीति गरिरहेका कारण मुलुकमा राजतन्त्र पुनःस्थापना हुने खतरा रहेकाले यसप्रति सबै सचेत हुन भनिएको छ । -रासस

कमेन्ट गर्नुहोस्

%d bloggers like this: