Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

प्रथम प्रकाश स्मृति कपः एपिएफ र दीपशिखा नैकाप सेमिफाइनलमा

चरिकोट, मंसिर ४ । दोलखामा जारी प्रथम प्रकाश स्मृति कप खुल्ला फुटबल प्रतियोगिता अन्तर्गत आज भएका खेलबाट एपिएफ नेपाल र दीपशिखा नैकाप सेमिफाइनलमा प्रवेश गरेका छन् ।

एपिएफ र चितवन जिल्ला फुटबल संघबीच पहिलो खेलमा २–१ गोल अन्तरले जीत हात पार्दै एपिएफ सेमिफाइनलमा प्रवेश गरेको छ । एपिएफका विश्वराम खत्री र सुजन चौधरीले सम्मान एक–एक गोल गरेका थिए । गोल गर्ने धेरै अवसर प्राप्त गरे पनि चितवनले वललार्ई गोलमा परिणत गर्न सकेन अन्तमा सुरेश कुमालले एक गोल फर्काएका थिए ।

दीपशिखा नैकाप र श्री कुमारी क्लबबीच आजै भएको दोस्रो खेलमा ५–० गोलको फराकिलो अन्तरले दीपशिखाले जीत हात पार्दै सेमिफाइनलमा प्रवेश गरेको हो । दीपशिखाले आइभेरी कोस्टका चार खेलाडी मैदानमा उतारेर खेलाइरहेको छ ।

राष्ट्रियस्तरमा राम्रो खेल्ने श्री कुमारी क्लबले खेल उत्कृष्ट प्रदर्शन गरे पनि सेमिफाइनलको खेलमा जाने सपना दीपशिखाले रोकिदिएको छ । बुधबार क्वार्टरफाइनलको अन्तिम खेल प्लानिङ ब्वाइज र काभ्रे जिल्ला फुटबल संघबीच हुनेछ । -रासस

कमेन्ट गर्नुहोस्

%d bloggers like this: