Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

हिमालय ऊर्जा विकास कम्पनीको आईपिओको आवेदन दिन पाउने अाजै अन्तिम !

काठमाडौं, मंसिर ५ ।

हिमालय ऊर्जा विकास कम्पनी (HUBCL) ले आयोजना प्रभावित क्षेत्रका स्थानीय बासीन्दाका लागि निष्काशन गरेको आईपिओमा मंसिर ५ गते बुधबारसम्म आवेदन गर्न पाउने छन् ।

कम्पनीले मंसिर ६ गतेदेखि आइपिओ निष्काशन बन्द हुने बिक्री प्रबन्धक नबिल इन्भेष्टमेन्ट बैंकिङ्गले जनाएको छ ।

हिमालय ऊर्जा विकास कम्पनीले आयोजना प्रभावित क्षेत्रहरु रामेछाप र दोलखाकाआयोजना प्रभावित बासीन्दाका लागि ९ करोड ९० लाख रुपैयाँ बराबरको एक सय रुपैयाँ अंकित दरमा ९ लाख ९० हजार कित्ता आईपिओ गत कात्तिक ६ गतेदेखि आवेदन खुला गरेको थियो ।

निजी क्षेत्रबाट प्रवद्धित हिमालय ऊर्जाले पहिलो चरणमा १० प्रतिशत साधारण शेयर बिक्री खुल्ला गरेको हो ।

यस आईपिओमा न्यूनतम ५० कित्तादेखि अधिकतम ४ हजार ९ सय कित्तासम्म आवेदन दिन पाइने व्यवस्था रहेको छ ।

कम्पनीले आयोजनाको अति प्रभावित क्षेत्र गोकुलगंगा गाउँपालिका वडा नम्बर १ र जिरी नगरपालिका १ र २ का बासिन्दालाई ३ लाख ९६ हजार कित्ता शेयर छुट्याएको छ । बाँकी ६० प्रतिशत अर्थात ५ लाख ९४ हजार कित्ता शेयर प्रभावित क्षेत्र गोकुलगंगा गाउँपालिकाको १ देखि ५ सम्म र जिरी नगरपालिकाको वडा नं ३ स्थानीयलाई बाँडफाँड गरिनेछ ।

आयोजना प्रभावित स्थानियले हिमालय उर्जा विकासको आयोजना स्थल रामेछाप गोकुलगंगा– १, सिद्धार्थ बैंकको रामेछाप गोकुलगंगा शाखा, प्राईम कमर्शियल बैंक जिरी शाखा, सेञ्चुरी कमर्शियल बैंक जिरी शाखा र एनएमबि बैंक दोलखा किर्ने शाखा मार्फत आवेदन बुझाउन सक्ने छन् ।

१४ करोड ८५ लाख रुपैयाँ बराबरको शेयर सर्वसाधारणमा अाउने

आयोजना प्रभावित बासीन्दालाई शेयर निष्काशन गरिसकेपछि दोस्रो चरणमा सर्वसाधारणका लागि १५ प्रतिशत अर्थात १४ करोड ८५ लाख रुपैयाँ बराबरको १४ लाख ८५ हजार कित्ता साधारण शेयर निष्काशन गर्ने कम्पनीले जनाएको छ ।

कम्पनीले रामेछाप र दोलखामा बग्ने खिम्ती खोलामा १२ मेगावाटको उपल्लो खिम्ती र ७ मेगावाटको उपल्लो खिम्ती आयोजना निमार्ण गरेको छ । मेरोलगानीबाट

कमेन्ट गर्नुहोस्

%d bloggers like this: