Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

नगर प्रमुखद्वारा तलब भत्ता विद्यालयलाई

राजापुर, मङ्सिर ६ ।

बर्दियाको मधुवन नगरपालिका प्रमुख गणेशबहादुर क्षेत्रीले शिक्षाको गुणस्तर सुधार गर्ने भन्दै आफ्नो तलब भत्ताबाट विद्यालयलाई सहयोग गरेका छन् ।

नगर प्रमुख भएबापत राज्यले दिने सेवा सुविधा सामाजिक सेवामा लगाउने घोषणा गरेका क्षेत्रीले तलब भत्ताको रकमले सहयोग प्रदान गर्न थालेका हुन् । नगरप्रमुख क्षेत्रीले भने, “राजनीति जनताका लागि गर्ने हो, पैसा कमाउन होइन ।”

उनले नगरपालिका–१ सूर्यपटुवाअन्तर्गत त्रिभुवन माध्यमिक विद्यालयलाई तीन महीनाको तलब रु एक लाख पाँच हजार सहयोग गरेका छन् ।

होटल व्यवस्थापन कक्षा सञ्चालन र भौतिक पूर्वाधार विकास लागि आयोजित श्रीमद् भागवत धन धान्याञ्चल सप्ताह ज्ञान महायज्ञ तथा शैक्षिक महोत्सवमा उहाँले सो रकम सहयोग गरेका हुन् । उनले भने, “यहाँबाट नै आफ्नो सामाजिक कार्यको सुरुआत गरेको छु ।” क्षेत्रीले यसअघि एक महीना बराबरको तलब बिरामीको उपचारका लागि खर्च गरेका हुन् ।

प्रत्येक वडामा प्रविधिक कक्षा सञ्चालनार्थ र भौतिक अवस्था कमजोर रहेका विद्यालयलाई सहयोग गर्ने उद्देश्य लिएको बताउँदै क्षेत्रीले आफ्नो तलब रकम सबै जनताकै करको रकम भएकाले जनतालाई नै सहयोग गर्ने बताए । रासस

कमेन्ट गर्नुहोस्

%d bloggers like this: