काठमाडौंको बानेश्वरमा ग्याङ फाइट, एकजनाको मृत्यु

काठमाडौं, मंसिर ८ । काठमाडौंको बानेश्वरस्थित गैरीगाउँमा ‘ग्याङ फाइट’ हुँदा एकजनाको मृत्यु भएको छ । गैरीगाउँको सुकुम्बासी टोलमा दुई समूहबीच ‘ग्याङ फाईट’ सोही टोलमा बस्दै आएका विक्की लिम्बुको मृत्यु भएको हो । ग्याङ फाईट हुँदा अर्को समूहले खुकुरी प्रहार गरेपछि सिभिल अस्पताल बानेश्वरमा उपचारका क्रममा विक्कीको मृत्यु भएको बताईएको छ ।

याे पनि पढ्नुस  अर्काकी श्रीमती भगाएपछि ग्याङफाइट, १२ जना घाइते

घटनामा अनिल श्रेष्ठ (बर्ष २३) गम्भिर घाईते भएका छन्, उनको ट्रमा सेन्टरमा उपचार भईरहेको छ । बानेश्वरका सुकुम्बासी टोलमा ग्याङ फाईट भएको जानकारी दिँदै महानगरीय प्रहरी परिसर काठमाडौंका प्रवक्ता (डिएसपी) होविन्द्र बोगटीले भने, ‘घटनाको थप विवरण आउन बाँकी छ ।’

प्रहरी स्रोतका अनुसार सुकुम्बासी बस्तीस्थित बाग्मती पुलवारीको शान्तिनगर टोल र पुलपारीको जोगी टोलमा बस्दै आएका दुई समूहको बिचमा ड्रग्सको डिलरको विषयलाई लिएर खुकारी हानाहान भएको थियो । ग्याङ फाईटमा संलग्नमध्ये अधिकांश ड्रग्स प्रयोगकर्ता तथा कारोवारी रहेको प्रहरीको प्रारम्भिक अनुसन्धानबाट खुलेको छ ।

कमेन्ट गर्नुहोस्