Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

मेयर दाहालको दाबी– भरतपुरलार्इ देशकै नमूना महानगर बनाउँछौं

चितवन, मंसिर ९ । भरतपुर महानगरपालिकाकी मेयर रेनु दाहालले आफू निर्वाचित महानगरलाई देशकै नमूना महानगरपालिका बनाउने दाबी गरेकी छन् ।

आइतबार भ्रष्टचारविरुद्ध अभियान चितवनको समन्वयमा भरतपुर महानगरपालिकाले गरेको संस्थागत सुशासन र वित्तीय प्रबन्ध विषयक कार्यशाला गोष्ठीमा महानगर प्रमुख दाहालले यस्तो दाबी गरेकी हुन् ।

उनले भनिन्, ‘भरतपुर महानगरलाई सबैको साथ, सहयोगको अपेक्षा सदैव छ, सबैको साथ र सहयोग भए भरतपुर महानगरलाई देशकै नमूना महानगरको रुपमा चिनाउन हामी सक्षम हुने थियौँ ।’ सबैसँग सहकार्य र समन्वय गरेर महानगर अघि बढिरहेको मेयर दाहालको भनाई थियो ।

साथै, उनले कर वृद्धि नगरेर करको दायर फराकिलो बनाउनुपर्नेमा जोड दिइन् । कार्यक्रममा प्रमुख सूचना आयुक्त कृष्णहरि बास्कोटाले भरतपुर महानगरपालिकामा सुशासन कायम भइरहेको र सुशासनलाई अझ मजबुद बनाउन सुझाव दिएका थिए । उनले भने, ‘आम मानिसको सूचना माग्ने हक सबैमा हुन्छ, त्यो हक महानगरबासीहरुले प्रयोग गरिरहेका र सूचना दिने काम भरतपुर महानगरबाट प्रभावकारी भइरहेको पाइयो ।’

प्रमुख सूचना आयुक्त कृष्णहरि बास्कोटाले तीनरतीन महिनामा कार्यालयका सूचनाहरु सार्वजनिक गर्नुपर्ने बताउँदै भने, ‘सूचना सार्वजनिक गर्ने काम भरतपुर महानगरबाट भइरहेकै छ ।’

यसैगरी, कार्यक्रममा कर विज्ञ रुप खड्काले भरतपुर महानगरको कर व्यवस्थापन राम्रो लागेको बताए । उनले भने, ‘कर वृद्धि होइन, करको दायरा बढाउनुपर्छ, भरतपुर महानगरमा करको दायरा बढिरहेकै छ ।’ खड्काका अनुसार ज्यादा कर लगाउने अर्थात ज्यादा कर छुट दिने दुवै गर्न नहुने बताए ।

कमेन्ट गर्नुहोस्

%d bloggers like this: