निर्मलाका बुबा भेट्न डा. भट्टराई शिक्षण अस्पतालमा

काठमाडौं, मंसिर १० । नयाँ शक्ति नेपाल पार्टीका संयोजक एवं पूर्व प्रधानमन्त्री डा. बाबुराम भट्टराई निर्मलाका बुबा यज्ञराजलाई भेट्न शिक्षण अस्पताल महाराजगञ्जमा पुगेका छन् ।

डा. भट्टराई पत्नी हिसिला यमीसहित उपचार गराइरहेका यज्ञराजलाई भेट्न अस्पताल पुगेका हुन् । त्यसक्रममा उनले पन्तको स्वास्थ्यको जानकारी लिएका थिए।

भट्टराईले आफुहरु निर्मलाको न्यायको निम्ति लडिरहेको निर्मलाका बुबालाई बताए । छोरीको बलात्कारपछि हत्या गर्नेलाई कारबाही माग गर्दै धर्नामा बसिरहेका निर्मलाका बुबा यज्ञराजको स्वास्थ्यमा समस्या आएपछि उपचारका लागि आइतबार काठमाडौं ल्याइएको थियो।

याे पनि पढ्नुस  ओली सरकार न हाँसको चालमा न कौवाको- डा. भट्टराई

एकोहोरो बोलेको बोल्यै गर्ने र आफू के बोले भन्ने थाहा नपाउने जस्ता असामान्य व्यबहार देखाएपछि उनलाई उपचारको लागि काठमाडौं ल्याइएको हो ।

दुई हप्तादेखि जिल्ला प्रशासन कार्यालय कञ्चनपुर अगाडि उनी न्याय माग्दै धर्नामा बसेका थिए। गत साउन १० मा छोरी निर्मला हराएदेखि न्यायको लागि उनी संघर्षरत छन् ।

याे पनि पढ्नुस  डा. भट्टराईद्वारा निर्मलाका बुबासँग भेट, एक लाख रुपैयाँ हस्तान्तरण

साउन ११ मा छोरीको बलात्कार र हत्याभएको पीडामा रहेका यज्ञराज दोषीको पहिचान र कारबाहीको माग गर्दै कञ्चनपुरदेखि काठमाडौसम्म आएर हार गुहार गरे। तर हत्या भएको ४ महिना पुग्नलाग्दा पनि प्रहरीले अपराधी पहिचानसमेत गर्न असफल भइरहेको छ।

१३ वर्षीया बालिका निर्मलाको बलात्कारपछि हत्या गरिएको अवस्थामा उखुबारीमा शव भेटिएको थियो। घटनाको अनुसन्धानमा लापरवाही गरेको अभियोगमा तत्कालीन एसपी डिल्लीराज विष्ट र इन्स्पेक्टर बर्खास्त भएका छन्।

कमेन्ट गर्नुहोस्