वाइड बडी खरीदमा अनियमितता भए कडा कारबाही हुन्छः मन्त्री अधिकारी

चिप्लेढु्ङ्गा, मंसिर १० । संस्कृति, पर्यटन एवं नागरिक उड्डयनमन्त्री रवीन्द्रप्रसाद अधिकारीले वाइड बडी जहाज खरीदमा अनियमितता भएको पाइएमा जोसुकैलाई पनि कडा कारवाही गरिने बताएका छन् ।

मन्त्री अधिकारीले आफ्नो निर्वाचन क्षेत्र कास्की निर्वाचन क्षेत्र नम्बर २ को स्थानीय विकास पूर्वाधार साझेदारी कार्यक्रमका योजना र विनियोजित रकम सोमबार पोखरामा पत्रकार सम्मेलन गरी सार्वजनिक गर्दै वाइड बडी विमान खरीद प्रक्रियामा दोषी देखिएका जो कोहीलाई पनि कारवाहीको दायरामा ल्याइने स्पष्ट पारे ।

याे पनि पढ्नुस  २०२० मा २० लाख विदेशी पर्यटक भित्र्याउँछौंः मन्त्री अधिकारी

उनले भने “यस विषयमा सार्वजनिक लेखा समितिलगायत विभिन्न समितिले छानबिन गरिरहेको छ, छानबिनका क्रममा दोषी देखिए जो कोही पनि उम्कन पाउँदैनन्, कारबाहीको दायरामा आउँछन् ।”

मन्त्री अधिकारीले सत्यभन्दा बाहिर गएर हल्लाले नेपाल एयरलाइन्सलाई असफल पार्ने षड्यन्त्र हुन सक्ने आशंका व्यक्त गर्दै एयरलाइन्सलाई प्रभावकारी बनाउन जस्तोसुकै कदम चाल्न पनि मन्त्रालय तयार रहेको बताए।

याे पनि पढ्नुस  वायुसेवा निगमलाई प्रतिष्पर्धी बनाउँछौंः मन्त्री अधिकारी

सो कार्यक्रमअन्तर्गत विभिन्न शीर्षकमा चार करोडका योजना सार्वजनिक गरिएको थियो । सडक पूर्वाधारमा दुई करोड ३५ लाख, खानेपानीमा ७० लाख, कुलो, ढल र पक्की पुलमा ५० लाख, भवनमा रु २० लाख रुपैयाँ तथा खेलमैदान र उद्यानमा २५ लाख रुपैयाँ विनियोजन गरिएको अधिकारीले जानकारी दिए । मन्त्री अधिकारीले सोमबार नै निर्माणाधीन क्षेत्रीय अन्तरराष्ट्रिय विमानस्थलको आकस्मिक निरीक्षणसमेत गरेका थिए ।

याे पनि पढ्नुस  मन्त्री अधिकारी भन्छन्, ‘हेलिकोप्टरमा सबैको पहुँच पुर्‍याउँछौं’

उनीसँग नयाँ शक्ति पार्टी निकट विद्यार्थीले वाइड बडी जहाज खरीदसम्बन्धी विवादको सत्य, तथ्य छानबिनको माग गर्दै सिर्जना चोकमा प्रदर्शन गरेका थिए । उनीहरुलाई हिरासतमा लिएर अनुसन्धान भइरहेको जिल्ला प्रहरी कार्यालय, कास्कीका प्रमुख ओम रानाले जानकारी दिए । -रासस

कमेन्ट गर्नुहोस्