Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

दैलेख जिप दुर्घटनाः मृतकको संख्या ६ पुग्यो (अपडेट)

सुर्खेत, मंसिर १२ । आज (बुधबार) बिहान दैलेखमा भएको जिप दुर्घटनामा मृत्यु हुनेको संख्या ६ पुगेको छ ।

जिप दुर्घटना हुँदा त्यसमा सवार ८ जना मध्ये ६ जनाको मृत्यु भएको हो । दुर्घनामा २ जना घाइते छन् । सुर्खेतबाट दैलेखको ठाटीकाँध गाउँपालिका–३ का लागि छुटेको भे १ च २२०७ नम्बरको बोलेरो जिप दुर्घटना भएको थियो ।

मृत्यु हुनेमा ठाटीकाध गाउँपालिका १ का ३० वर्षीया निर्मल बम, ३ का ४० वर्षीय राजेन्द्र बहादुर शाही, ४ की रत्ना शाही, चालक रमेश शाही, वडा न‌ं. ३ का २६ वर्षीय दिलिप शाही र सोही गाउँपालिका वडा न‌ं. १ का समशेर पुन रहेको दैलेख प्रहरीले जनाएको छ ।

क्षेत्रीका अनुसार घाइते २ जनाको दुल्लु अस्पतालमा उपचार भइरहेको छ। घाइतेको अवस्था गम्भीर रहेको अस्पतालले जनाएको छ।

जिप सडकदेखि करीब ५० मिटर तल खसेको थियो। वडा नं. ३ का वडाअध्यक्ष कर्णबहादुर शाही लगाएतको टोली घटना पुगिसकेको छ।

ठाँटिकाँध प्रहरी चौकीको प्रहरी टोली र गाउँपालिकाका अध्यक्ष धिरबहादुर शाहीलगायतको टोली घटनास्थलतर्फ जाँदै गरेको बताइएको छ । हालसम्म दुर्घटनाको कारण खुल्न नसकेको प्रहरीले जनाएको छ ।

कमेन्ट गर्नुहोस्

%d bloggers like this: