एकैदिन अख्तियारद्वारा १२ जनाविरुद्ध भ्रष्टाचारको मुद्दा ! [नामसहित]

काठमाडौं, मंसिर १२ । अख्तियार दुरुपयोग अनुसन्धान आयोगले १२ जनाविरुद्ध विशेष अदालतमा भ्रष्टाचारको मुद्दा दायर गरेको छ। घुस लिएको अभियोगमा पाठ्यक्रम विकास केन्द्र सानोठिमीका लेखापाल गुणराज दाहालसहित उनीहरूलाई मुद्दा दायर गरेको हो।

राष्ट्रिय बहिरा महासघं नेपाललाई कक्षा ६ को सामाजिक र विज्ञान विषयको पाठलाई साङ्केतीकरण र श्रव्य दृश्य सामग्री तयार गर्ने सम्झौता गरेकोमा उक्त कार्य पूरा गरी बिल भुक्तानी गरिदिन माग गर्दा २५ हजार घुस लिएको अभियोगमा दाहाललगायत १२ जना विरुद्ध मुद्धा दायर गरिएको हो ।

याे पनि पढ्नुस  बालुवाटार जग्गा प्रकरणः ‘हाई प्रोफाइल’सहित १७५ जनाविरुद्ध मुद्दा

यस्तै, आयोगले झुट्टा विवरण पेश गरी शेयर लगत, सञ्चालक लगत नियमावली संशोधन अभिलेख लिई ठगी गरेको अभियोगमा कम्पनी रजिष्टारको कार्यालयमा कार्यरत उप–रजिष्टारद्वय गङ्गाधर पौडेल, धर्मराज रोकाया, सहायक रजिष्ट्रार नारायणप्रसाद पोखरेल, उमेशमान जोशी, कम्प्युटर अपरेटर आशिष महर्जन र पुष्पकला राईविरुद्ध विशेष अदालतमा मुद्दा दायर गरेको छ।

याे पनि पढ्नुस  ५ करोड बढी भ्रष्टाचार गरेको अभियोगमा इञ्जिनियरविरुद्ध मुद्दा

गलत काम गर्न कर्मचारीसँग मिलेमतो गरेको अभियोगमा जितबहादुर मगर, राजनप्रसाद लम्साल, पुण्यप्रसाद खरेल, निरजकुमार मानन्धर र प्रकाशविक्रम मिश्रविरुद्ध पनि आयोगले आजै मुद्दा दर्ता गरेको छ।

उनीहरुले शङ्कर इलेक्ट्रिक इण्डष्ट्रिजलाई एकआपसमा मिलेमतो गरी हस्ताक्षर किर्ते गरी कम्पनी रजिष्ट्रारको कार्यालयमा झुट्टा विवरण पेश गरी शेयर लगत, सञ्चालक लगत नियमावली संशोधन अभिलेख लिई शेयर सम्पत्ति हक हस्तान्तरण गरी जग्गा बिक्री गर्न लागेको अभियोग लागेको छ।

याे पनि पढ्नुस  २ इन्स्पेक्टरविरुद्ध भ्रष्टाचार मुद्दा, १८ महिना कैद र ४ महिना सजाय माग

उनीहरुले जग्गा बिक्री गर्न भन्दै तीन करोड बैना बापत रकम लिएको अनुसन्धानबाट खुलेको आयोगका प्रवक्ता रामेश्वर दङ्गालले जानकारी दिए। अन्नपूर्णबाट

कमेन्ट गर्नुहोस्