अाजभोलि न्याय माग्न धाउन थाले अदालत पत्नीपीडित पति !

रोल्पा, मङ्सिर १३ ।

रोल्पा जिल्ला अदालतमा गत भदौ १ गते यता आठ पुरुषले सम्बन्धविच्छेदको मुद्दा दर्ता गराएका छन् ।

नयाँ मुलुकी संहिता जारी भएसँगै जिल्ला अदालतमा यस्ता मुद्दा आउन थालेको रोल्पा जिल्ला अदालतले जनाएको छ ।

वैदेशिक रोजगारीबाट पठाएको पैसा दुरुपयोग गरेको, घर व्यवहार राम्रोसँग नचलाएको, लामो समयसम्म माइत बसेको जस्ता आरोप सहित ती पुरुषले सम्बन्ध विच्छेदका मुद्दा दर्ता गराएको बताइएको छ ।

याे पनि पढ्नुस  रोल्पा सदरमुकामै कुपोषित छन् बालबालिका

महिलाले मात्रै यस्ता मुद्दा दायर गर्ने गरेकामा पछिल्लो मुलुकी संहिताले पुरुषलाई समेत सम्बन्धविच्छेद गर्न सक्ने बाटो खुला गरेसँगै पुरुषले समेत मुद्दा दर्ता गर्न थालेको उक्त अदालतका तामेलदार डिठ्ठा झक्कुप्रसाद आचार्यले जानकारी दिए ।

महिलाले दायर गर्ने सम्बन्धविच्छेदका मुद्दामा भने मादक पदार्थ सेवन गरी निरन्तर घरेलु हिंसा गरेको, बहुविवाह गरेको, घरमा खानलाउन नदिएको जस्ता आरोप हुने गरेको उनको भनाइ थियो ।

याे पनि पढ्नुस  ट्याक्टर दुर्घटनामा २ जनाको मृत्यु

जिल्लामा उमेर नपुग्दै विवाह गर्नेहरु उमेर पुगेपछि सम्बन्धविच्छेदका लागि अदालत धाउने महिलाको सङ्ख्या अधिक रहेको उक्त अदालतका मेलमिलापकर्ता तीर्था आचार्यले जानकारी दिए । रासस

कमेन्ट गर्नुहोस्