Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

निर्माण व्यवसायी महासंघको प्रादेशिक निर्वाचनमा चन्द र राना भिड्दै !

दाङ, मंसीर १४ ।

निर्माण व्यवसायी महासंघको प्रादेशिक निर्वाचनमा चन्द र राना भिड्दै, केही पदमा निर्विरोध
निर्माण व्यवसायी महासंघको प्रादेशिक निर्वाचनमा बर्तमान प्रदेश अध्यक्ष बलिभद्र राना र शुरेस चन्द आमनेसामने हुने निस्चित जस्तै भएको छ ।

निर्वाचन कार्यतालिका अनुसार साँझ ५ः३० सम्म उम्मेदवारीको समय सिमा भित्र राना र चन्दको अध्यक्ष पदमा उम्मेदवारी परेपछि प्रादेशिक कार्यसमितिको अध्यक्ष लगाएत प्रमुख पदाधिकारी पदहरुमा निर्वाचन हुने निस्चित प्रायः भएको हो ।

राना बाम निकट र चन्द काँग्रेसी निकट निर्माण व्यवसायी हुन् ।

प्रदेश नं ५ अन्तर्गतका १२ जिल्लाहरुका कूल १९५ जना डेलिगेट्स्हरु निर्वाचनमा भागलिनका लागि दाङ आइपुगेका छन् । कूल १९ पदहरुमा प्रतिस्पर्धा हुने निर्वाचन मण्डलले जनाएको छ ।

जसमध्ये वरिष्ठ उपाध्यक्षमा नविन प्रसाद ज्ञवाली, र यज्ञ बहादुर खत्रि प्रतिस्पर्धामा हुनुहुन्छ । मंसीर १४ गते १ बजेदेखि मतदान हुने निर्वाचनका लागि सर्वसहमतिको प्रयास भईरहेको छ ।

यसैगरी प्रथम उपाध्यक्ष मा चार जनाको उम्मेदवारी परेको छ । उम्मेदवारी दिनेहरुमा दिनेश कुमार हमाल, देविलाल न्यौपाने, नवराज श्रेष्ठ र मनिराम खत्री आमने सामने भएका छन् ।

द्वितीय उपाध्यक्ष (महिला) पदमा मञ्जु भुसाल र गंगा पोखरेल रहेका छन् ।

यसैगरी महासचिवका लागि प्रकाश शाह र नारायण पोखरेल, उप महासचिव (नितीगत कार्यभार) पदमा जविन कक्षपति र टिका बहादुर श्रेष्ठ (सन्तोष) चुनावी मैदानमा रहेका छन् ।

मुलुक प्रादेशिक संरचनामा गईसकेपछि पहिलो पटक हुन गइरहेको निर्माण व्यवसायी महासंघ प्रादेशिक समिति गठनका लागि उप महासचिव (आन्तरिक कार्यभार) पदमा पवन कुमार कवर, ऋषिराम आधिकारी, मणिराम पौडेल र रबिन्द्र लम्सालको उम्मेदवारी परेको निर्वाचन मण्डल टुकराज पाण्डेले जानकारी दिए ।

सह कोषाध्यक्ष पदमा प्रकाश बस्नेत र हरिकुमार श्रेष्ठ को बिचमा टकराव हुने देखिएको छ ।

यसैगरी, ४ जना खुल्ला सदस्यपदका लागि दिपक कुमार श्रेष्ठ, चन्द्र शेखर श्रेष्ठ, धर्मराज शर्मा, काँसिराम बस्याल, ढुण्डिराज पोखरेल, छेदिलाल श्रीवास्तव, भागवत गिरी र जविन कक्षपति को मनोनयन परेको छ ।

आरक्षीत सदस्य पदमा राकेश कुमार पाण्डेय र रमेश कुमार मिश्राा र जनजाती सदस्यका लागि बिमलमान श्रेष्ठ, मिलनप्रसाद श्रेष्ठ, सुजन श्रेष्ठ र सन्तोष बिएमको उम्मेदवारी परेपछि निर्वाचनको परिणाम आफ्नो पक्षमा पार्नका लागि उम्मेदवारहरु लविङ तथा चुवानी प्रचार प्रसारमा लागेका छन् ।

कोषाध्यक्ष सहित केही पदहरुमा सर्वसहमति

कोषाध्यक्ष पदमा त्रिभुवन दत्त मिश्रको मात्र उम्मेदवारी परेको छ ।

यसैगरी एसोसिएट्स सदस्य पदमा बामदेव रेग्मी, महिला सदस्यपदमा नलिन गौतम भूसाल, बस्तुगत सदस्य पदमा अजय रानाको मात्र उम्मेदवारी परेपछि निर्बिरोध निर्वाचित भएका छन् । तर, आधिकारीक घोषणा भने भएको छैन ।

कमेन्ट गर्नुहोस्

%d bloggers like this: