विद्यार्थीको क्षमता अनुसार पठनपाठनमा सुधार गर्न मन्त्री बीनाको जोड

कञ्चनपुर । खानेपानी मन्त्री बिना मगरले विभेदकारी शिक्षाको अन्त्य गर्न योजनावद्ध रुपमा कार्यक्रमहरु ल्याउनुपर्ने बताएकी छिन् ।

कञ्चनपुरको पुनर्वास नगरपालिकामा अवस्थित श्री जन कल्याण उच्च माध्यमिक विद्यालयको २९ औं वार्षिकोत्सब कार्यक्रमको उद्घाटन गर्दै खानेपानी मन्त्री मगरले विभेदकारी शिक्षाको अन्त्य हुनुपर्ने बताएकी हुन् ।

सरकारले समृद्ध नेपाल सुखी नेपालीको परिकल्पना गरेको बताउँदै उनले गुणस्तरीय शिक्षाको माध्यमबाट नै राष्ट्र निर्माणको निम्ति दक्ष जनशक्ति उत्पादन गर्नुपर्ने आवश्यकता औल्याइन् ।

याे पनि पढ्नुस  कञ्चनपुर एमालेमा पहिरो, जिल्ला नेतासहित सयौं माओवादीमा प्रवेश

उनले भनिन्, ‘अहिलेको शिक्षा नीतिलाई परिमार्जन गरेर अघि बढ्नुपर्ने चुनौती छ । विद्यार्थीको क्षमता अनुसारको पठनपाठनमा सुधार गर्नुपर्ने जरुरी छ । शिक्षा बदल्ने सके जीवन बदलिन्छ । त्यसका लागि सबै लागौं, सरकार पनि गम्भिरतापूर्वक लाग्छ ।’

आफूले अध्ययन गरेको विद्यालयको वार्षिकोत्सब कार्यक्रममा सहभागी हुन कञ्चनपुर पुगेकी मन्त्री मगरले विद्यालयले भोग्नुपरेको विविध समस्याको समाधान गर्न आफू सधैं तत्पर रहेको बताइन् । विद्यालयको स्तर उन्नतिका निम्ति आफ्नो तर्फबाट पूरा सहयोग रहने उनको प्रतिवद्धता थियो ।

याे पनि पढ्नुस  कञ्चनपुरको समग्र विकास मेरो परिकल्पना : बिना

कञ्चनपुरको पुनर्वासबाट प्रारम्भिक शिक्षा प्राप्त गरेकी मन्त्री बीनाले सबै जनताका लागि समान शिक्षाको पक्षमा समेत वकालत गरिन । विद्यार्थी राजनीतिबाट उदय भएर अत्यधिक मतका साथ निर्वाचन जितेकी बिनाले गाउँ समुदायका विद्यालयका अवस्था सुधार्न आफ्नो तर्फबाट पूर्ण सहयोग गर्ने समेत बताईन ।

याे पनि पढ्नुस  बिना मगरले भेटिन कुलमान घिसिङलाई, बैठकबाटै फोन गरेर घिसिङले दिए यस्तो निर्देशन

कञ्चनपुरका बिभिन्न कार्यक्रममा सहभागी हुन खानेपानी मन्त्री बीना मगर आइतबार गृहजिल्ला पुगेकी हुन ।

कमेन्ट गर्नुहोस्