वर्तमान सरकारको विकल्प छैनः अध्यक्ष प्रचण्ड

पोखरा, मंसिर २५ । नेपाल कम्युनिस्ट पार्टी (नेकपा) का अध्यक्ष प्रचण्डले वर्तमान सरकारको विकल्प नरहेको बताएका छन् ।

कास्कीको पर्यटकीय गाउँ सिक्लेसमा आयोजित पत्रकार भेटघाट कार्यक्रममा बोल्दै उनले नेपाली जनताले आशा एवं भरोसा गरे अनुरुप नै सरकार अघि बढेको बताए ।

याे पनि पढ्नुस  भिडियो: प्रधानमन्त्रीबाट राजीनामा दिने बेला प्रचण्डको बहुचर्चित भाषण

पार्टीले निर्वाचनका समयमा गरेका प्रतिबद्धता अनुरुप नै सरकारले आगामी बजेट निर्माण गर्ने उनले जानकारी गराए । सामाजिक सुरक्षा, विकास निर्माण लगायतमा व्यक्त चासोलाई सम्बोधन गर्ने गरी अघि बढिने उनले उल्लेख गरे ।

मुलुकमा स्थायी सरकार भएकै कारण दुवै छिमेकी राष्ट्रबीच सुसम्बन्ध कायम भएको उल्लेख गर्दै उनले आपसी सम्बन्ध अझैं प्रगाढ बन्दै गएको बताए ।

याे पनि पढ्नुस  प्रचण्डको अर्को पहल, ९ करोडमा बन्ने भयो राप्ती पुलसम्मको सडक

दुई पार्टीबीचको एकिकरण प्रक्रिया तल्लो तहसम्म नै बढी रहेको जानकारी दिँदै पुर्वप्रधानमन्त्री प्रचण्डले यही २९ गते बस्ने स्थायी कमिटी बैठकबाट जिल्ला एवं भातृ सङ्गठनको नेतृत्व चयन गरिने बताए ।

सिक्लेसबाटै शान्ति प्रकृयाको शुरुआत भएको स्मरण गर्दै उनले पोखराबाट सिक्लेस जोड्ने बाटोलाई पक्की बनाउन पहल गरिने प्रतिबद्धता जनाए ।

कमेन्ट गर्नुहोस्