गगन थापाको आरोप– सरकार बरालियो

वालिङ, पुष ८ । नेपाली काङ्ग्रेसका केन्द्रीय सदस्य एवं युवा नेता गगनकुमार थापाले केपी ओली नेतृत्वको सरकार बरालिएको टिप्पणी गरेका छन् ।

चापाकोट उद्योग वाणिज्य संघले आयोजना गरेको प्रथम चापाकोट महोत्सवको आज स्याङ्जाको चापाकोटमा समापन गर्दै नेता थापाले इतिहासकै बलियो सरकारका रुपमा रहेको वर्तमान केपी ओली नेतृत्वको सरकार बरालिएको टिप्पणी गरे ।

याे पनि पढ्नुस  गगन थापालाई बम हान्ने धरौटीमा रिहा

“बलियो सरकारले गरेका सम्पूर्ण कार्य पूरा हुनुपर्छ”, नेता थापाले भने, “कमजोर सरकार बरालियो भने सम्हाल्न सकिने तर बलियो सरकार बरालिँदा अन्यलाई समेत अप्ठ्यारो परेको छ ।”

“सरकार बलियो भएका बेला जस्तोसुकै पनि कार्य गर्न सक्ने वर्तमान सरकारले सन्तोषजनक काम गर्न सकेन”, नेता थापाले भने, “इतिहासकै बलियो सरकार हुँदाहुँदै पनि सरकारले पाएको मौकाको सही सदुपयोग गर्न सकेन यो दुर्भाग्य हो ।” उनले नेपाली काङ्ग्रेस प्रतिपक्षको भूमिकामा छ तर सरकारले सञ्चालन गरेका कार्यमा कुनै पनि अवरोध नगरेको बताए ।

याे पनि पढ्नुस  सभापति देउवा भन्छन्, ‘पार्टीमा छाडातन्त्र मौलायो, छिट्टै अनुशासन समिति बन्छ’

“हामी चाहन्छौँ सरकारले धेरैभन्दा धेरै कार्य गरोस् र सफल होस्”, नेता थापाले भने, “हामी चार वर्ष सरकारलाई प्रमुख प्रतिपक्षीको हैसियतले सहयोग गर्छौं तर सरकारले राम्रो काम गर्न सकेन र जनता सरकारको काम कार्यबाट विरक्त भएका छन् ।”

सजिलैसँग पाएको कुराको महत्व कम हुने बताउँदै नेता थापाले संविधान र गणतन्त्र सजिलैसँग प्राप्त नभएको र यसलाई जोगाउनतर्फ लाग्नुपर्नेमा जोड दिएका छन् । गत मङ्सिर २८ गतेदेखि शुरु भएको प्रथम चापाकोट महोत्सव आज सकिएको हो । रासस

कमेन्ट गर्नुहोस्