पैसा नभएर ९ कक्षामा पढाई छोडेका सलमान बने इण्डियन आइडल

मुम्बई, नेपालमा रवि ओडको चर्चा नसेलाउँदै भारतमा पनि रविको जस्तै सामाजिक वातावरणमा हुर्केका सलमान अलि इण्डियन आइडल बनेका छन् ।

इण्डियन आइडलको सिजन १० मा दर्शकको अत्यधिक मायासँगै हरियाणको मेवात जिल्लाको पुन्हाना गाउँका सलमान अलिले उपाधि जित्न सफल बनेका हुन ।

करोडौंको जनसंख्या भएको भारत आर्थिक समृद्धिको चुलिमा रहेको छ । तर गाउँको गरिबी, अशिक्षा र पछौटेपना भने उस्तै छ । आम मानिसले आफ्ना सपना पुरा गर्न त्यति सजिलो छैन भारतमा ।

तर नेपाल आइडल जस्तै इण्डियन आइडलमा पनि यसपालि त्यही सपना देख्ने जमातबाट सलमानले उपाधि जित्न सफल भएका हुन ।

कुनै बेला पैसा भएन पढन, अनि सलमानले नौ कक्षामा पढाई छोडे । उनीहरु हरियाणाको दुर्गम गाउँका बासिन्दा । पुस्तैनी पेसा सिलाउने र बिहे लगायतका अवसरमा गीत गाउने । चार पुस्ताले यही काम गर्दै आएका छन र यसरी नै गुजारा चलेको छ उनको ।

तर भनिन्छ नि सपना पाल्नेको सपना पुरा हुन पनि सक्छ । सलमान यस्तै भाग्यमानी बनेका छन् ।

नेपालमा रवि ओड र भारतमा सलमानले गरिब भएकै कारण भोट भने पाएका होइनन । बरु त्यो गरिबीले उनीहरुभित्रको कला र गायनलाई निखार्ने र सपना पुरा गर्नैपर्ने अठोट र आँटसँगै कलाको विकास भएको भने पक्कै हो ।

कमेन्ट गर्नुहोस्