नेता पौडेलले भने– ओली सरकार कुहिरोको कागझैं भएको छ

काभ्रेपलाञ्चोक, पुष १० । नेपाल कांग्रेसका वरिष्ठ नेता रामचन्द्र पौडेलले वर्तमान सरकारले गति लिन नसकेको आरोप लगाएका छन् ।

अरनिको मिडिया नेटवर्कद्वारा सञ्चालित रेडियो अरनिको र अरनिको खबर डटकम अनलाइनको मंगलबार बनेपामा शुभारम्भ गर्दै वरिष्ठ नेता पौडेलले भने, ‘दुई तिहाईको सरकार छ, उसलाई यो अवसर र मौका पनि हो ।’

वरिष्ठ नेता पौडेलले सरकारले गति लिन नसकेको आरोप लगाए । उनले भने, “सरकारलाई कसैको विरोध नहुँदा किन काम गरिरहेको छैन, कुहिरोको कागझैं भएको छ ।”

नेता पौडेलले सरकारले संविधानअनुसार वित्तीय आयोग नबनाएको गुनासो गरे । उनले भने “वित्तीय आयोग बनाएर स्थानीय तहको अनुगमन, मूल्याङ्कन गर्नुपर्छ,” भने ।

नेता पौडेलले कांग्रेसले महासमिति बैठकका बेला नमूना विधान बनाएको बताए । “तलदेखि माथिल्लो निकायसम्म निर्वाचनमा जाने हाम्रो विधानको प्रमुख पाटो हो, यसबाट अरुले सिक्नुपर्छ”, उनले भने ।

कमेन्ट गर्नुहोस्