काठमाडौं विश्वविद्यालयले भित्र्यायाे नेपालकै पहिलो ‘सुपर कम्प्युटर’

काभ्रे — काठमाडौं विश्वविद्यालय (केयू) ले मुलुकमा नै पहिलो ‘सुपर कम्प्युटर’ भित्र्याएको छ ।

जेनेभास्थित विश्वप्रसिद्ध वैज्ञानिक अनुसन्धान प्रयोगशाला युरोपियन ल्याबोरेटरी फर प्राक्टिकल फिजिक्स’ ले केयूलाई यहाँ जडित सुपर कम्प्युटर, नेटवर्क स्विच र केही यन्त्रहरू उपलब्ध गराएको हो ।

अमेरिकास्थित युनिभर्सिटी अफ अर्कान्सस्ले प्राविधिक सहयोग गरेको छ । साढे ७ टेरावाइट र्‍याम, प्रोसेसिङ क्षमता र साढे १ पेटाबाइट स्टोरेज क्षमता भएको उक्त सुपर कम्प्युटर काभ्रेस्थित सूचना प्रविधि पार्कमा राखिएको छ ।

सामान्य कम्प्युटरभन्दा कैयौं गुणा बढी गणना वा डाटा प्रोसेसिङ गर्ने क्षमता सुपर कम्प्युटरको हुन्छ । समानान्तर प्रोसेसिङ गर्ने सुपर कम्प्युटरले एकै साथ धेरै प्रकारका इन्पुट लिने, स्टोर गर्ने, प्रोसेस गर्ने र आउटपुट दिने काम गर्छ । केयूका सहप्राध्यापक डा. राजेन्द्र अधिकारीका अधिकारीका अनुसार तीव्र गणना र विशाल संग्रह क्षमता भएका कारण सुपर कम्प्युटर धेरै क्षेत्रको अनुसन्धानमा उपयोगी हुन्छ ।

यसको प्रयोगले भूकम्प प्रतिरुपण, जलवायु परिवर्तन, एचवानएनवान भाइरस नियन्त्रण, नवजात शिशुमा लाग्ने रोगहरूको आनुवंशिक विश्लेषण, प्रदूषण निवारणमा वातावरणसम्बन्धी तथ्यांकहरूको विश्लेषण, विभिन्न नदीहरूको जलविद्युत् सम्भाव्यता लगायतमा उच्चस्तरको अध्ययन गर्न सक्ने विश्वविद्यालयले जनाएको छ ।

नेपालका अस्पतालहरूमा नयाँ बिरामीहरूका नयाँ डाटाहरूलाई संग्रहण गर्ने ठाउँ निकाल्नका लागि पुराना फोटोजन्य अभिलेख (एमआरआई, सिटी स्क्यान) आवधिक रूपले हटाउनुपर्ने वा मेटाउनुपर्ने बाध्यता रहँदै आएको थियो ।

कान्तिपुरबाट

कमेन्ट गर्नुहोस्