‘हे गोरी’ कभर भिडियो प्रतियोगिता, उत्कृष्टलाई ५० हजार नगद पुरस्कार

काठमाडौं, पुस १३ ।

केही समयअघि सार्वजनिक भएको गायक प्रराज पौडेल र गायिका सुजाता बर्माको स्वरमा रहेको गीत ‘हे गोरी’को कभर भिडियो प्रतियोगिता हुने भएको छ ।

कभर भिडियो प्रतियोगितामा सहभागी हुनका लागि उक्त गीतमा आफूले भिडियो निर्माण गरेर आफ्नै या अन्य कुनै यूट्युब च्यानलमा ‘हे गोरी’ कभर भिडियो र आफ्नो ग्रुपको नामसहितको टाइटल राखेर अपलोड गरी उक्त भिडियोको लिंक …. मा इमेल गर्नुपर्नेछ ।

भिडियो पठाउने अन्तिम मिति आगामी माघ १५ गते तोकिएको छ ।

उत्कृष्ट ३ भिडियोलाई क्रमशः ५० हजार, ३० हजार र १० हजार नगद पुरस्कार प्रदान गरिने ‘हे गोरी’ गीतका रचनाकार पुष्कर पन्तले जानकारी दिएका छन् । कभर भिडियोको मुल्यांकन ओरिजिनल भिडियोका कोरियोग्राफर, निर्देशक लगायतले गर्ने छन् ।

शंकर थापा स्माइलको संगीत रहेको यस गीतको ओरिजिनल भिडियोमा बुगीउगी डान्स रियालिटी शो विजेता कविता नेपाली र रचनाकार पन्त फिचर्ड छन् । अर्जुन अधिकारीको निर्देशन रहेको भिडियो उत्सव दाहालले खिचेका हुन् भने सम्पादन सुशील न्यौपानेको रहेको छ । भिडियोको कोरियोग्राफी प्रशान्त तामाङले गरेका हुन् ।

हेर्नुहोस् भिडियो

कमेन्ट गर्नुहोस्