सरकार माफियासँग बिकेको भन्दै डा. केसीले निकाले विज्ञप्ती, सत्याग्रहको घोषणा

काठमाडौं । सत्याग्रही प्राडा गोविन्द केसी सरकारप्रति निकै आक्रामक देखिएका छन् । उनीसँग सरकारले गरेको सहमति विपरीत चिकित्सा शिक्षा विधेयक संसद्को शिक्षा तथा स्वास्थ्य समिति अन्तर्गतको उपसमितिबाट आइतबार बहुमतका आधारमा पारित भएपछि उनी एकाएक आक्रामक भएका हुन् ।

उनले शिक्षण अस्पताल महाराजगञ्जमा पत्रकार सम्मेलन गरी आक्रोश पोखेका छन् । उनले केपी शर्मा ओली नेतृत्वको सरकार पार्टीका माफियासंग बिकेको भन्दै पुनः आमरण अनसन बस्ने बताएका छन् ।

याे पनि पढ्नुस  डा. केसीको भेरी अस्पतालमा उपचार, आज काठमाडौं ल्याइँदै

उनले संसदको शिक्षा तथा स्वास्थ्य समितिकी सभापति जयपुरी घतीले सार्वजनिक रुपमै आफूसंग सम्झौता अनुरुप नै विधेयक पारित हुन्छ भनेकाले सत्याग्रह पुस २५ गतेसम्म सारेको र यसलाई सच्याउन माग गरेका छन् ।

उक्त सहमति विपरित उपसमितिले पठाएको प्रतिवेदन सच्याउन समितिलाई उनले माग गरेका छन् । त्यसो नभए पुस २५ अगाडि नै सत्याग्रह सुरु गर्न वाध्य हुने डा केसीले बताए ।

याे पनि पढ्नुस  अब डा. केसीमाथि राजनीति गर्नेका दिन गए– योगेश भट्टराई

उनले नेकपाका युवा नेताहरु माफियासंग बिके पनि काँग्रेस सांसद गगन थापा एक्लै भए पनि जनताका मागप्रति लडिरहेको भन्दै प्रशंसा गरे ।

उनले तीन बुँदे मागसमेत सार्वजनिक गरेका छन् ।

कमेन्ट गर्नुहोस्