सामूहिक बलात्कार काण्डका नाइके १० वर्षपछि पक्राउ

दाङ, माघ ४ । दश वर्षअघि दाङको बिजौरीमा भएको सामूहिक बलात्कार काण्डका मुख्य दोषी बिहीबार पक्राउ परेका छन् ।

सर्वोच्च अदालतबाट २०७२ फागुन ३० गते फैसला भई ९ वर्ष ११ महिना २ दिन कैद सजाय र ५० हजार जरिवाना तोकिएका तुलसीपुर उपमहानगरपालिका १८ बिजौरीका ३१ वर्षीय विष्णु चौधरीलाई पक्राउ गरी जिल्ला अदालतमार्फत घोराही कारागार चलान गरिएको जिल्ला प्रहरीले जानकारी दिएको छ ।

याे पनि पढ्नुस  डुबेर एकैघरका दुईजनाको मृत्यु

२०६५ चैत १५ गते गढवाकी १७ वर्षीया कल्पना खनालमाथि सामूहिक बलात्कार भएपछि उनको ८४ औं दिनमा उपचारका क्रममा मृत्यु भएको थियो । तुलसीपुर आफन्तलाई भेट्न गएकी खनाल नेपाल बन्दका कारण हिड्दै आइरहेको अवस्थामा तुलसीपुर उपमहानगरपालिका १८ बिजौरीमा केही युवाहरुले नियन्त्रणमा लिई रातभर बलात्कार गरेका थिए ।

अदालतको फैसलापछि फरार भनिए पनि राजनीतिक शक्तिको आडमा खुलारुपमा हिडिरहेका चौधरीलाई प्रहरीले लामो समयपछि पक्राउ गरेको छ । उनी यसअघि माओवादी केन्द्र निकट विद्यार्थी संगठनका केन्द्रीय सदस्य थिए । चौधरी जनता विद्यापीठ बिजौरीको स्ववियू उपसभापति भएको बेला बलात्कार काण्ड भएको थियो ।

याे पनि पढ्नुस  १० वर्षीय बालिकाले बलात्कारको प्रतिकार गरेपछि घाँटी रेटेर हत्या गर्ने प्रयास

अदालतले सजाय फैसला गरिसक्दा पनि उनले बिजौरीमा असहाय बालविकास नेपाल नामक संस्था दर्ता गरी सञ्चालन गरिरहेका थिए । तत्कालीन सभामुख ओनसरी घर्तीले २०७३ पुस २९ मा केन्द्रको उद्घाटन गरेकी थिइन् ।

चौधरीविरुद्ध नेपाल संस्कृत विश्वविद्यालयका पदाधिकारीमाथि आक्रमण गरेको र विश्वविद्यालयको सम्पत्ति तोडफोड गरी चोरी गरेको घटना सम्वन्धमा समेत अनुसन्धान भैरहेको जिल्ला प्रहरी प्रवक्ता डिएसपी रामप्रसाद घर्तीले बताएका छन् । उनी अन्य कुनै आपराधिक घटनामा संलग्न भएको भए जानकारी उपलब्ध गराउन प्रहरीले सार्वजनिकरुपमा सबैलाई अनुरोध गरेको छ ।

याे पनि पढ्नुस  कञ्चनपुरमा फेरी बलात्कारको घटना, पुनर्वासबाट एक पक्राऊ

उक्त बलात्कार घटनामा संलग्न अन्य ६ जनाले सजाय भुक्तान गरिसकेको र मोहन पुन अझै फरार रहेको डिएसपी घर्तीले जानकारी दिए ।

कमेन्ट गर्नुहोस्