सप्तरीमा प्रहरीकाे गाेली लागेर एक जनाकाे मृत्यु

राजविराज — सप्तरी जिल्लामा बुधबार बिहान प्रहरी कारबाहीमा एकजना मारिएका छन् । जिल्ला प्रहरी प्रमुख एसपी राजेन्द्र बिष्टका अनुसार प्रहरीको हत्या लगायतका बिभिन्न आपराधिक घटनामा संलग्न रहेका सप्तरी कडोरवनाका ३५ वर्षीय दिपेन्द्र चौधरी प्रहरी कारवाहीमा मारिएका हुन् ।

नियमित गस्तीमा राजविराजबाट रुपनीतर्फ गइरहेको प्रहरी टोलीमाथि रुपनीबाट राजविराजतर्फ आइरहेका मोटरसाइकलमा सवार ब्यक्तिले गोली प्रहार गरेपछि आत्मरक्षाका लागि प्रहरीले गोली चलाउँदा पछाडि बसेका चौधरीको घटनास्थलमै मृत्यु भएको एसपी बिष्टले जानकारी दिए।

याे पनि पढ्नुस  पुस्तक बिक्रीमा पनि सिन्डिकेट ? विद्यार्थी संगठन विरोधमा

मोटरसाइकल चलाइरहेका अर्का ब्यक्ति भने अध्यारोको फाइदा उठाउँदै भागेको उनले बताए। प्रहरी कारवाहीमा मारिएका चौधरी सप्तरीको झुटकी प्रहरी चौकीका असई रेसम सुब्बाको गोली हानी हत्या, इलाका प्रहरी कार्यालय कडोरवनाको गाडीलाई लक्षित गरि बम बिस्फोट लगायतका घटनामा संलग्न रहनुका साथै साता अघि सप्तरीको बिसनपुर चौकमा डयुटीमा रहेका प्रहरी हवल्दारमाथि गोली प्रहार गर्ने घटनामा समेत संलग्न रहेको एसपी बिष्टले बताए।

याे पनि पढ्नुस  राजविराजमा गोली चल्यो, एमालेको हठका कारण एकको मृत्यु, तीन दर्जन घाइते

प्रहरी कारवाहीमा मारिएका चौधरीको शव अहिले घटनास्थलमै रहेको र मुचुल्का लगायतका कानुनी प्रक्रिया पूरा गरि राजविराज ल्याउने तयारी भइरहेको छ।

कमेन्ट गर्नुहोस्