दिपेन्द्रको ब्याट आज पनि चलेन, नेपालको तेस्रो विकेट पतन

काठमाडौं, माघ १२ । यूएईविरुद्धको दोस्रो एकदिवसीय खेलमा टस जितेर ब्याटिंङ रोजेको नेपालले तेस्रो विकेट गुमाएको छ । तेस्रो विकेटका रुपमा १२ बल खेलेर १० रन बनाउँदै दिपेन्द्र ऐरी आउट भएका छन् । उनलाई युएईका अस्फाग अहेमदले आउट गरे । यसअघि, उपकप्तान ज्ञानेन्द्र मल्ल ४४ र विनोद भण्डारी २१ रनमा आउट भएका थिए ।

पहिलो खेलमा शुक्रबार यूएईसँग तीन विकेटले पराजित भएको नेपाललाई एक दिवसीय श्रृङखला जित्ने आशा कायम राख्न आजको खेल जित्नै पर्ने दबाब छ । यदि शुक्रबार जस्तै शनिबारको खेलमा पनि पराजित भएमा नेपालले एक खेल अगावै सिरिज गुमाउने छ । सिरिजमा यूएई १–० ले अघि छ ।

नेपालले यूएईसँग १६ वटा एक दिवशीय खेल खेलेको छ । जसमा १२ खेल यूएईले जितेको छ भने तीन खेल नेपालको पक्षमा गएको छ । बाँकी एक खेल बराबरी भएको थियो ।

कमेन्ट गर्नुहोस्